Terry Pratchett

Terry PRATCHETT, tutnome Terence David John Pratchett (naskiĝis la 28-an de aprilo 1948, mortis la 12-an de marto 2015) estis angla verkisto de fantasta literaturo.

Terry Pratchett
Persona informo
Terry Pratchett
Naskonomo	Terence David John Pratchett
Naskiĝo	28-an de aprilo 1948 (1948-04-28) en Beaconsfield
Morto	12-an de marto 2015 (2015-03-12) (66-jaraĝa) en Broad Chalke
Mortis pro	Naturaj kialoj vd
Mortis per	Posterior cortical atrophy (en) kaj Alzheimer-malsano vd
Religio	ateismo vd
Lingvoj	angla vd
Ŝtataneco	Unuiĝinta Reĝlando (Britio) vd
Alma mater	John Hampden Grammar School (en) vd
Familio
Edz(in)o	Lyn Purves (en) vd
Infanoj	Rhianna Pratchett vd
Profesio
Okupo	verkisto sciencfikcia verkisto verkisto de porinfana literaturo scenaristo romanisto ĵurnalisto aŭtoro vd
Laborkampo	Beletro, fantasta literaturo kaj ĵurnalismo vd
Aktiva dum	1971– vd
Verkado
Verkoj	Good Omens ❦ Nation ❦ Discworld vd
Honorigoj Honorigoj (2015)  Eleanor Farjeon Award (en) (2014)  Geffen Award (en) (2012)  Bollinger Everyman Wodehouse Prize (en) , kialo de la premio Snuff (en) (2011)  Ignotus Award for Best Foreign Novel (en) , kialo de la premio Nation (en) (2011)  Margaret Edwards Award (en) , kialo de la premio The Amazing Maurice and His Educated Rodents (en) , The Wee Free Men (en) , A Hat Full of Sky (en) , Going Postal (en) , The Colour of Magic (en) , Guards! Guards! (en) , Equal Rites (en) , Mort (en) , Small Gods (en) (2011)  Andre Norton Award (en) (2009)  Edward E. Smith Memorial Award (en) (31-a de decembro 2008)  kavaliro bakalaŭro (2008)  Locus Award for Best Fantasy Novel (en) , kialo de la premio Making Money (en) (2001)  Medalo Carnegie, kialo de la premio The Amazing Maurice and His Educated Rodents (en) (1998)  Oficiro de la Ordeno de la Brita imperio vd
En TTT	Oficiala retejo vd
vd	Fonto: Vikidatumoj
v • d • r

Pratchett naskiĝis en Beaconsfield en la angla graflando Bucks al David kaj Eileen Pratchett. Klerecon li atingis en High Wycombe Technical High School kaj en publika biblioteko de Beaconsfield.

Lia unua eldonita verko estis mallonga rakonto The Hades Business (Negoco en Hadeso), publikigita en lerneja gazeto, kiam li estis 13-jara, kaj poste en 1963 denove, en gazeto Science Fantasy, pro kio li ricevis 14 pundojn. La due publikigita laboraĵo titoliĝis Night Dweller (Nokta estulo) kaj aperis en la 156-a numero de gazeto New Worlds novembre 1965.

Post foriro de la lernejo en 1965 li estis dungita en la loka gazeto Bucks Free Press kaj post certa tempo li aktivis en pluraj regionaj gazetoj en sudokcidenta Anglio inkluzive de Western Daily Press kaj Bath Chronicle.

En ĉi tiu periodo li estis sendita intervjui Petron Bander van Duren, unu el la direktoroj de malgranda eldonejo, kiu ĝuste estis eldonanta novan libron. Dum la intervjuo li menciis, ke li mem verkis libron The Carpet People (Tapiŝuloj). Tiu estis eldonita en 1971 kaj solene prezentita en la tapiŝa fako de grandmagazeno Heal's ĉe Tottenham Court Road en Londono.

En 1980 Pratchett fariĝis gazetara reprezentanto de elektreja kompanio Central Electricity Generating Board, kie lia laboro koncernis kelkajn atom-elektrejojn. Poste li spritumis, ke li pruvis sian kapablon trafi ĝustan tempon, ĉar li ŝanĝis profesion baldaŭ post atom-katastrofo en Three Mile Island en Pensilvanio (Usono).

La laboron por CEGB li forlasis en 1987, kiam li komencis perlabori pli da mono per okaza verkado. La liberiĝo ebligis kreskigi la rapidecon kaj nun li fine de lia vivo li verkis kutime du librojn jare.

Ekde 1998 li estis posedanto de ordeno pro merito pri Brita reĝolando en la fako servo al literaturo. La ordenon li ironie komentis: „mi suspektas, ke plej bonan servon al literaturo mi farus, se mi rezignus pri provoj ion ankoraŭ verki.“ En 1999 estis atribuita al li honora doktoreco pri literaturo en Universitato de Warwick.

Lia filino Rhianna Pratchett (naskiĝinta 1976) estas aŭtorino de fantasta literaturo kaj ĵurnalistino.

Kiel hobiojn Pratchett prezentis „verkadon, promenadon, komputilojn, vivon“. Li estis konata ankaŭ pro originalaj kapvestoj, kiujn oni povas vidi sur la dorsa flanko de kovrilo de liaj libroj.