Sciiga rubando

Sciiga rubando aŭ Rekonila rubando estas mallonga peco de rubando faldita kiel buklo, aŭ ties prezentado, uzata en Usono, Kanado, Aŭstralio kaj aliaj partoj de la mondo por sciigi, ke la portanto subtenas ian aferon.

La ruĝa rubando estas internacia simbolo kontraŭ aidoso.

La signifo de la rubando dependas de ties koloro. Multaj grupoj elektis rubandojn kiel simbolo de subteno aŭ sciigo kaj tial ofte pluraj grupoj uzas la saman koloron. Kelkaj grupoj povas uzi pli ol unu koloro. Tiel ruĝa aŭ bluverda rubando simbolas misuzon de substancoj kaj purpura aŭ blanka rubando alchajmeron.

Sciigaj rubandoj estas ofte fiksitaj al vestaĵoj aŭ kravatoj aŭ volvitaj ĉirkaŭ antenoj. Dum specialaj eventoj pli larĝaj rubandoj povas esti volvitaj ĉirkaŭ arboj aŭ mastoj.

Prezentaĵoj de sciigaj rubandoj ekzistas ankaŭ kiel glumarkoj aŭ magnetoj. Ili ofte estas fiksitaj al aŭtoj aŭ aliaj veturiloj.

Rubandoj estas ankaŭ uzataj kiel simboloj de funebro. Tiel multaj portis nigrajn rubandojn post la masakro de Virginia Tech.