Ryszard Terlecki
Ryszard Iwon Terlecki (naskiĝis la 2-an de septembro 1949 en Krakovo) estas pola historiisto, altlerneja lekciisto, profesoro de homa scienco, ĵurnalisto kaj politikisto.
| Ryszard Terlecki | |||||
|---|---|---|---|---|---|
| |||||
| Persona informo | |||||
| Ryszard Terlecki | |||||
| Naskiĝo | 2-an de septembro 1949 (75-jaraĝa) en Krakovo | ||||
| Lingvoj | pola vd | ||||
| Ŝtataneco | Pola Popola Respubliko Pollando  vd
| ||||
| Alma mater | Jagelona Universitato - historioscienco (–1976) lycée Stanisław Wyspiański de Cracovie (fr)  vd
| ||||
| Partio | Juro kaj Justeco vd
| ||||
Subskribo 
| |||||
| Familio | |||||
| Patro | Olgierd Terlecki (en) vd
| ||||
| Profesio | |||||
| Okupo | universitata instruisto historiisto politikisto ĵurnalisto vd
| ||||
| Aktiva en | Varsovio vd | ||||
| |||||
| |||||
| vd | Fonto: Vikidatumoj | ||||
De 2007 parlamentano al Sejmo de la 6-a ĝis 8-a kadencoj, de 2015 prezidanto de Parlamenta Klubo de Juro kaj Justeco kaj vicsejmmarŝalo de la 8-a kadenco.
Vivo
redaktiEdukiteco kaj profesia laboro
En 1976 finis historiajn studojn en Jagelona Universitato. En 1980 akiris gradon de doktoro, en 1992 gradon de doktoro habilita, en 2002 ricevis sciencan titolon de profesoro. Eklaboris kiel ordinara profesoro en Instituto pri Historio de Scienco ĉe Pola Scienca Akademio. Li estis prorektoro de Filozofi-Pedagogia Altlernejo "Ignatianum". En 2003 iĝis ankaŭ lekciisto en Ŝtata Orienteŭropa Altlernejo en Przemyśl. Aŭtoro de libroj, interalie:
- Oświata i popularyzacja nauki w Galicji w okresie autonomii (Klerigo kaj scienca popularigo en Galicio dum periodo de aŭtonomeco),
- Dyktatura zdrady. Polska w 1947 roku (Diktaturo de perfido. Pollando en 1947),
- Profesorowie UJ w aktach UB i SB (Profesoroj de JU en aktujoj de Sekureca Ofico kaj Sekureca Servo).
Ryszard Terlecki estis publicisto, redaktoro kaj kunlaboranto de pluraj revuoj, i.a kunfondinto kaj ĉefredaktoro de "Czas Krakowski" (La Tempo de Krakovo)”. De 1995 ĝis 1998 prezidis al programa konsilantaro de Radio Kraków. En la jaroj 1996–1998 estis ĉefredaktoro de taggazeto "Nowiny" (Novaĵoj) en Rzeszów. De 1997 eniris redakcian konsiston de jarlibro "Studia Rzeszowskie" (Studoj de Rzeszów), kaj de 2002 de la duonjarlibro "Horyzonty Wychowania” (Horizontoj de Edukado).
De 2000 ĝis 2006 estis ĉefo de Buroo de Publika Edukado en krakova filio de Instituto pri Nacia Memoro, poste ĝis 2007 direktoro de la filio. Li lekciis en Papa Universitato "Johano Paŭlo la 2-a" en Krakovo.
Distingoj
redaktiEn 2011 estis distingita per Medalo "Al Senflekseblaj en la vorto" (Niezłomnym w słowie), kaj en 2017 per Kavaleria Kruco de la hungara Ordeno de Merito.
Privata vivo
redaktiFilo de verkisto kaj ĵurnalisto Olgierd Terlecki. Junaĝe partoprenanto de hipia movado kaj unu el antaŭuloj de ĉi tiu junulara subkulturo en Pollando. Dufoje edziĝinta, kun trio da infanoj el la unua geedzeco.
Bibliografio
redakti- Nota biograficzna w Encyklopedii Solidarności Arkivigite je 2018-09-02 per la retarkivo Wayback Machine Biografia noto en Enciklopedio de Solidareco
- Strona sejmowa posła VII kadencji Sejma paĝo de la parlamentano
Eksteraj ligiloj
redakti- Ryszard Terlecki – strona prywatna Arkivigite je 2018-09-02 per la retarkivo Wayback Machine Privata paĝo