Mendelejevo (Moskva provinco)
Mendelejevo (ruse Менделеево) estas urbotipa loĝloko en distrikto Solneĉnogorsk de Moskva provinco (Rusio).
| Mendelejevo | |||
| Менделеево | |||
| urbotipa loĝloko | |||
 | |||
|
|||
| Lando |  Rusio
| ||
|---|---|---|---|
| Regiono | Moskva provinco | ||
| Distrikto | Distrikto Solneĉnogorsk (Солнечногорский район) | ||
| Koordinatoj | 56° 2′ 21″ N 37° 14′ 3″ O / 56.03917 °N, 37.23417 °O (mapo) | ||
| Poŝtkodo | 141570 | ||
| Kodo | 46252558 | ||
  Situo de Mendelejevo enkadre de Moskva provinco
| |||
 Vikimedia Komunejo: Mendeleevo
| |||
.png)
Ĝi situas nord-okcidente de Moskvo, proksime al la fontoj de rivero Kljazma, sur la 40-a kilometro de Leningradskoje ŝoseo, apud Zelenograd (Moskvo). En proksimume 700 metroj de la loĝloko, sur relative alta tereno, situas vilaĝo Ljalovo (ruse Льялово).
En la loĝloko estas 5 stratoj: Kujbiŝeva (Куйбышева), Pionerskaja ("Pionira", ruse Пионерская), Institutskaja ("Instituta", ruse Институтская), Levobereĵnaja ("Livborda", ruse Левобережная), Lesnaja ("Arbara", ruse Лесная).
Trans la rivero Kljazma en la loĝloko estas 3 pontoj.
Historio
redaktiĜi estis fondita en la 1957-a jaro. Statuson de urbotipa loĝloko ĝi havas ekde la 1965-a jaro. Ĝi estis nomita je memoro de rusia sciencisto Dmitrij Mendelejev.
Laŭ arkeologiaj esploroj, en la regiono loĝis antikvaj slavaj triboj.
La plej malnovaj loĝejoj de mezolitiko estis trovitaj ĉe vilaĝo Ljalovo kaj Mendelejevo apud rivero Kljazma.
Loĝantaro
redakti| Jaro | 2009 | 2010 | 2012 | 2013 |
|---|---|---|---|---|
| Loĝantaro | 7500 | 7927 | 7868 | 7720 |
Ekonomio
redaktiApud la loĝloko situas Tutrusia scienco-esplora instituto de fiziko-teknikaj kaj radio-teknikaj mezuroj (ruse Всероссийский научно-исследовательский институт физико-технических и радиотехнических измерений, ВНИИФТРИ), fondita samtempe kun fondo de la loĝloko. La instituto ĉefe okupiĝas pri metrologio, kaj estas konata kiel tenanto de ŝtata etalono de tempo kaj frekvenco.
Laŭ socio-ekonomia stato la loĝloko, kiu en la epoko de Sovetunio disvolviĝis ĉefe kiel loĝa zono por dungitoj de granda (ĝis 6000 dungitoj) apartigita scienca organizaĵo, povas esti konsiderata kiel modere deprema regiono; kiel ekzemplo de tio povas esti la fakto, ke tie preskaŭ ne okazas nova konstruado de loĝejoj ekde la 1992-a jaro.
Transporto
redaktiEn la loĝloko tute forestas ena publika transporto. Interurbaj aŭtobusoj itineras inter Mendelejevo kaj stacio Krjukovo (Крюково) en Zelenograd, Ljalovo kaj la moskva metrostacio Reĉnoj vokzal. En la teritorio de la loĝloko estas 3 aŭtobusaj haltejoj.
Vidindaĵoj
redaktiSenpere apud komenco de branĉa aŭtovojo de Leningradskoje ŝoseo al Mendelejevo estas memora komplekso "Bajonetoj" (ruse Штыки) omaĝe al la 2-а mondmilito.
Laŭ la vojo al la loĝloko, en pluraj centoj da metroj de randaj domoj, situas monumento "Miltisto kaj funebranta patrino", omaĝa al la unuaj jaroj de sovetia partopreno en la 2-а mondmilito. La monumento estis konstruita al la 40-jariĝo de la batalo por Moskvo sur tombejo de sovetiaj militistoj [1]. Ĝi konsistas el vira kaj virina figuroj apud kvinpinta stelo. Ĝis la 1990-aj jaroj apude estis kontraŭtankaj erinacoj, kiuj nun forestas. La erinacoj estis kiel memoro pri estinta tie defenda limo, de kie komenciĝis reofensivo de sovetia armeo en vintro de 1941-a jaro. La erinacoj ne surhavis iun tekston, tamen apude estas kelkaj aliaj monumentoj omaĝe de tiu defenda limo, kiuj havas surskribojn.
Esperanto en Mendelejevo
redakti- Ekde la 1-a de novembro 2013 ĝis la 4-a de novembro 2013 en Mendelejevo pasis Alternativa Lingva Trejnado Esperanta (ALTE), organizita de Moskva Esperanto-Asocio "MASI" - lingva trejnado por esperantistoj ekde la nivelo B1, kiuj deziras pliriĉigi sian lingvaĵon, plibonigi la gramatikon kaj multe praktiki parolan Esperanton[2][3].
- En 2014 en Mendelejevo estis planata SES 2014 (reale okazis en vilaĝo Koltiŝevo de distrikto Solneĉnogorsk).
Referencoj
redakti- ↑ Monumento sur tombejo en Mendelejevo
- ↑ Paĝaro de MEA MASI kun informo pri ALTE Arkivigite je 2014-01-07 per la retarkivo Wayback Machine (esperante)
- ↑ Paĝo de ALTE ĉe vk.com (esperante)
Eksteraj ligiloj
redakti- Oficiala TTT-ejo de la loĝloko Arkivigite je 2012-12-26 per la retarkivo Wayback Machine (ruse)
- TTT-ejo de Tutrusia scienco-esplora instituto de fiziko-teknikaj kaj radio-teknikaj mezuroj (ruse)
- Alternativa paĝaro de Mendelejevo (ruse)