Livraria Lello
La Librovendejo Lello (en portugala: Livraria Lello), konata ankaŭ kiel Librovendejo Lello kaj Frato (Livraria Lello e Irmão) aŭ Librovendejo Chardron (Livraria Chardron), estas librovendejo en la historia urboparto de Porto, Portugalio. Ĝi estas ĉe la Rua das Carmelitas 144, proksime de la Turo de la Klerikoj (nome baroka sonorilturo, konstruita de Nicolau Nasoni).
| Livraria Lello | ||
|---|---|---|
| ||
.jpg)
| ||
| eldonejo kultura heredo librovendejo libroeldonejo 
| ||
| Komenco | 1869 vd | |
| Antaŭe | Livraria Chardron vd | |
| Geografia situo | 41° 8′ 49″ N, 8° 36′ 53″ U (mapo)41.146906-8.614791Koordinatoj: 41° 8′ 49″ N, 8° 36′ 53″ U (mapo) | |
| Lando(j) | Portugalio vd | |
| Sidejo | Porto | |
| Situo | Cedofeita, Santo Ildefonso, Sé, Miragaia, São Nicolau e Vitória | |
| ||
 Livraria Lello | ||
| Retejo | Oficiala retejo | |
Pro sia historia kaj arta valoro, la librejo estis agnoskita kiel unu de la plej belaj de la mondo fare de diversaj famuloj kaj entoj, kiel la hispana verkisto Enrique Vila-Matas, la brita gazeto The Guardian, la aŭstralia eldonejo de veturgvidiloj Lonely Planet, la gazeto «Time» kaj la CNN, en 2014.
La librovendejo iĝis granda turisma altiraĵo — en 2018 (kaj aliaj jaroj) ĝi ricevis unu milionon da vizitantoj — speciale post disvastiĝo de kredo ke la interna dekoracio inspiris J.K. Rowling al la sagao pri Harry Potter.[1] Oni diris eĉ, ke la ŝtuparoj inspiris tiujn de Hogwarts. J.K. Rowling fakte iam loĝis en Porto, kie ŝi instruis anglan, sed ŝi mem dementis tiun influon tra Twitter fine de majo 2020.[2]���
La abundego de turismaj vizitoj kondukis al neceso postuli enirpagon ekde 2015, ĉar foje venis eĉ 30 000 turistoj tage, kaj tio malhelpis la funkcion vendi libron kaj eĉ la proprajn vizitojn. Tamen la pago iĝas rabato en la libraĉetado, kaj krome ĝi utilas por iom redukti la alvenon de neaĉetontaj vizitantoj, kalkuli la vizitnombron kaj eĉ financi la necesojn de la eltenado.
La fasado estas novgotika: tri ortangulaj fenestroj kontrastas kun malsupra ebenarko, kaj supra ornamita oĝivarko kun pinakloj. La tuto estas ornamita laŭ Nova Arto. La fenestroj estas inter belaj alegoriaj bildoj de Arto kaj Scienco. Ankaŭ la interno estas tre bele ornamita kaj estas skulptaĵoj de la verkistoj Antero de Quental, Eça de Queirós, Camilo Castelo Branco, Teófilo Braga, Tomás Ribeiro kaj Guerra Junqueiro.
Referencoj
redakti- ↑ «Librairie magique». L'Histoire (457). 2019.
- ↑ «Un palazo de J.K Rowling: la librería de Harry Potter no es la librería de Harry Potter». www.clarin.com. 22a de majo 2020. Konsultita la 3an de junio 2020.
Bibliografio
redakti- Cardoso, Margarida David (2016-07-21), "Livraria Lello acordou de cara lavada, como era há 110 anos", Público, p. 61
- "Livraria Lello", Público, Porto, Portugal, 1995-03-15
- "Mural de arte urbana vai "tapar" livraria Lello", Público, Porto, Portugal, 2016-04-21, p. 14
Eksteraj ligiloj
redakti- La librería más bonita del mundo Arkivigite je 2016-08-19 per la retarkivo Wayback Machine
- En tiu ĉi artikolo estas uzita traduko de teksto el la artikolo Librería Lello en la hispana Vikipedio.