Imre Madách

Imre MADÁCH (naskiĝis la 21-an de januaro 1823, mortis la 5-an de oktobro 1864) estis hungara poeto, edzo de Erzsébet Fráter. Lia patro estis la samnoma Imre Madách (ĉambelano), lia avo estis Sándor Madách.

Imre Madách
Persona informo
Madách Imre
Naskiĝo	21-an de januaro 1823 (1823-01-21) en Dolná Strehová, Reĝlando Hungario (1538–1867),  Aŭstra imperio
Morto	5-an de oktobro 1864 (1864-10-05) (41-jaraĝa) en Dolná Strehová, Reĝlando Hungario (1538–1867),  Aŭstra imperio
Etno	hungaroj vd
Lingvoj	hungara • slovaka vd
Ŝtataneco	Hungario vd
Alma mater	Universitato Eötvös Loránd (–1840) vd
Partio	Resolution Party (en) vd
Familio
Patrino	Anna Majthényi (en) vd
Edz(in)o	Erzsébet Fráter vd
Infanoj	Aladár Madách (en) vd
Profesio
Okupo	poeto dramaturgo verkisto politikisto vd
Laborkampo	Hungara literaturo vd
Aktiva en	Dolná Strehová vd
Postenoj Postenoj membro de la nacia asembleo de Hungario (1861–1861) vd
Membrecoj Membrecoj Hungara Scienca Akademio vd
vd	Fonto: Vikidatumoj
v • d • r

Lia plej signifa verko estis La Tragedio de l' Homo (1861) (origine Az ember tragédiája), poema dramo en 4000 rimversoj kaj 15 aktoj, en kiu li diskutas ideojn similajn al tiuj en Faŭsto de Goethe kaj kiu estas konsiderata la pinto de filozofia poezio en la hungara lingvo.

Li verkis tiun dramon je la fino de sia tragika vivo instigita de lia amiko János Arany.

Tiu ĉi dramo estis tradukita en aron de lingvoj, inkluzive de Esperanto. La intrigo disvolviĝas jene: Al Adamo kaj Eva, forpelitaj el la Paradizo, Lucifero sendas sonĝon kaj prezentas al ili la estontecon de la homa raso ekde la Antikva Egiptio ĝis la pereo pro la malvarmiĝo de la suno. En la lasta verso de la dramo eldiriĝas el la buŝo de Dio la sola ebla vivprogramo: "Mi diris, luktu, hom', kaj firme fidu!". Prie tiu verko oni faris animacian filmon kaj multaj teatraj adaptoj.

Li estis membro de Hungara Scienca Akademio kaj membro de Societo Kisfaludy.