IARU

Inter aliaj la kongreso laŭ la protokolo "decidis rekomendi la uzadon de Esperanto..." por internaciaj kontaktoj.

Tiu decido estis logika el la vidpunkto de la 271 partoprenantoj, kiuj venis el 26 landoj, plimulto el Eŭropo. El Usono ĉeestis nur 6 partoprenantoj. En la praktiko la granda plimulto de la radioamatoroj estis usonanoj, kiuj faris siajn radiokontaktojn en la angla. Tial la angla lingvo superis kaj nun la plimulto de internaciaj radioamatoraj kontaktoj estas farata en angla.

Dum la komencaj jaroj oni nur povis uzi la morsan kodon, ne parolan transsendon. En morsa kodo oni uzas laŭeble mallongajn esprimojn kaj mallongigojn por savi tempon. Por tio oni inventis specialan Q-kodon. Ekzemploj: QSL = konfirmkarto, QTH = loko, QRZ? = kiu vokas?, QSY = ŝanĝas frekvencon.

Ankaŭ ĵargonaj esprimoj estis evoluitaj, ekzemple

• cq (= ĝenerala alvoko) el la angla "seek you" = (mi) serĉas vin, por ĝenerala alvoko,
• yl = young lady = juna virino,
• xyl = eks-juna virino = edzino,
• 73! = ĝis!

Poste oni abunde uzis la Q-kodon kaj la ĵargonajn esprimojn ankaŭ en voĉaj kontaktoj. Tiel evoluis speciala radioamatora dialekto de la angla.

La koda dialekto helpas en simplaj, normigitaj kontaktoj, sed ne povas anstataŭi bonan scion de lingvo. La esperantistoj provas eviti la kodajn esprimojn kaj uzi bonan Esperanton. KH6GT kaj la pacifika rondo ĉirkaŭ 1970 evoluis liston de taŭgaj fakvortoj kaj praktike uzis ilin dum miloj da eterkontaktoj. KH6GT eldonis vortaron kun radioamatoraj fakvortoj. En tiu vortaro ankaŭ estis literuma alfabeto.

Vidu la artikolon radioamatora vortaro

IARU havas prezidanton, vicprezidanton, sekretarion kaj aliajn estraranojn (inkludante reprezentantojn laŭ regionoj) kiuj estas parto de la administra konsilio. La Internacia Sekretariado de IARU (IARUIS angle IARU International Secretariat) estas gvidata de nacia radioamatora asocio elektita de la naciaj ligitaj asocioj. Nuntempe tiu asocio estas Amerika Radio-Relajsa Ligo (ARRL) kiu atentas pri IARUIS ekde siaj oficejoj en Usono.

Dum multaj jaroj IARU esponsoras la radioamatoran diplomon WAC (Worked All Continents) por radioamatoroj kiuj konfirmis ambaŭdirektajn kontaktojn kun radioamatoroj en ĉiuj el la plentempe loĝataj kontinentoj. Specialaj aldonoj ekzistas por kelkaj bendoj kaj elsendmodoj.

IARU estas dividita en 3 grandaj regionoj,^[1] ili estas:

• Regiono 1, Europo, Afriko kaj Norda Azio.^[2]
• Regiono 2, Ameriko.^[3]
• Regiono 3, Azio kaj Pacifiko.^[4]

• Premier CONGRES INTERNATIONAL DES RADIO-AMATEURS, first international Radio-Amateur Congress, Unua Internacia Kongreso de Radio Amatoroj, 1926, eld. Étienne CHIRON, Paris, protokolo en la 3 lingvoj franca, angla, Esperanto.

• Internacia Telekomunika Unio