Batalo ĉe insulo Rennell
La Batalo ĉe insulo Rennell (en angla: Battle of Rennell Island, en japana: レンネル島沖海戦) okazis la 29an–30an de Januaro 1943. Ĝi estis la lasta grava marbatalo inter Usona Ŝiparmeo kaj la Imperia Japana Ŝiparmeo dum la kampanjo de Guadalcanal en la Pacifika Fronto de la Dua Mondmilito. Ĝi okazis en Suda Pacifiko inter la insuloj Rennell kaj Guadalcanal en la sudaj Salomonoj.
_low_in_the_water_on_30_January_1943.jpg)
En la batalo, japanaj ŝiparmeaj ter-bazitaj torpedo-bombaviadiloj, klopodante havigi protekton por la tuja evakuado de japanaj fortoj el Guadalcanal, faris kelkajn atakojn dum du tagoj al usonaj militŝipoj kiuj operacis sude de tiu insulo. Aldone ili alproksimiĝis al Guadalcanal kun la celo ataki japanajn ŝipojn kiuj povus aperi, ĉar la usona forto estis protektanta aliancanan transportan ŝipkonvojon kiu klopodis porti tien anstataŭajn trupojn.
Kiel rezulto de la japanaj aeratakoj al la transporta forto, unu usona peza krozoŝipo estis sinkigita, unu destrojero estis tre damaĝita, kaj la cetero de la usona transporta forto estis devigita retiriĝi el la areo de sudaj Salomonoj. Parte ĉar ili sukcesis revenigi la usonan transportan forton en tiu batalo, la japanoj ankaŭ sukcese evakuis siajn restintajn trupojn el Guadalcanal ĉirkaŭ la 7a de Februaro 1943, kio lasis ĝin en la manoj de Aliancanoj finigante tiel la batalon por la insulo.
Bibliografio
redakti- Crenshaw, Russell Sydnor (1998). South Pacific Destroyer: The Battle for the Solomons from Savo Island to Vella Gulf. Naval Institute Press. ISBN 1-55750-136-X.
- Dull, Paul S. (1978). A Battle History of the Imperial Japanese Navy, 1941–1945. Naval Institute Press. ISBN 0-87021-097-1.
- Frank, Richard B. (1990). Guadalcanal: The Definitive Account of the Landmark Battle. New York: Penguin Group. ISBN 0-14-016561-4.
- McGee, William L. (2002). "The Six-Month Struggle for Guadalcanal". The Solomons Campaigns, 1942–1943: From Guadalcanal to Bougainville—Pacific War Turning Point, Volume 2 (Amphibious Operations in the South Pacific in WWII). BMC Publications. ISBN 0-9701678-7-3.
- Morison, Samuel Eliot (1958). "Chapter 15". The Struggle for Guadalcanal, August 1942 – February 1943, vol. 5 of History of United States Naval Operations in World War II. Boston: Little, Brown and Company. ISBN 0-316-58305-7.
- Tagaya, Osamu (2001). Mitsubishi Type 1 "Rikko" 'Betty' Units of World War 2. New York: Osprey. ISBN 978-1-84176-082-7.