Amoko de Erfurto

En la antaŭtagmezo de la 26-a de aprilo 2002 la lerninto Robert Steinhäuser mortpafis en la Gutenberg-gimnazio 12 instruistojn, unu sekretariinon, du lernantojn kaj unu policanon. Poste li memmortigis sin.

Steinhäuser estis frekventinta la mezlernejon ĝis oktobro 2001, kiam li estis ekskludita de plua frekventado pro falsitaj formularoj (atestiloj pri neĉeesto dum lecionoj pro malsano). Kelkaj supozas ke kialo estis ankaŭ la manko de perspektivo je iu fina ekzameno, post la forpelo disde la lernejo.

Tuj post la berserkado iĝis senfina kunsento de la popolo kaj publika kompato kun la viktimoj. Tiu amoko estis ja la unua siaspece ĉe germana lernejo. Ekzakte unu semajnon poste fariĝis, en ĉeesto de la tiama prezidento de Germanio Johannes Rau kaj de la ĉefurbestro Manfred Ruge, granda simpatia aranĝo sur la Katedralplaco, kiun partoprenis pli ol 100.000 homoj. Rau tamen estis kritikata, kiam li eksplicite inkludigis la nomon de la krimulo en la memorigo de la viktimoj.

Ekde la 26-a de aŭgusto 2005 estas memorigtabulo sur la muro de la grandstile modernigita kaj alikonstruita lernejo. Krom la dato de la amoko kaj la nomo de la viktimoj troviĝas sur ĝi ankaŭ la frazo: Ligite al espero pri futuro sen uzo de forto. Tamen ne tute 4 jarojn poste, en la 11-a de marto 2009, okazis alia simila amoko en Winnenden kun 15 viktimoj.

Leĝaj konsekvencoj estis la pliseverigo de la leĝoj koncernantaj la posedon de armiloj kiel ankaŭ la enkonduko de speciala antaŭabiturienta ekzameno por turingiaj gimnazianoj nomita Besondere Leistungsfeststellung (BLF). Krome la katastrofo iniciatis amason da esploroj psikologiaj kaj plibonigon de trejnado kaj ekipaĵo de policanoj.

• Archiv der Jugendkulturen (Eld.): Der Amoklauf von Erfurt, Tilsner 2003, ISBN 3-936068-64-X
• Jens Becker: Kurzschluß – Der Amoklauf von Erfurt und die Zeit danach, Schwartzkopff Buchwerke 2005, ISBN 3-937738-30-4
• Christof Beyer: Der Erfurter Amoklauf in der Presse – Unerklärlichkeit und die Macht der Erklärung: Eine Diskursanalyse anhand zweier ausgewählter Beispiele, Kovac 2004, ISBN 3-8300-1588-7
• Sven Slotosch: La erfurta masakro: analizo de politikaj kaj amaskomunikilaj reagoj. Essen 2006 (PDF; 1,9 MB)
• Robert Kiehl: Todesschüsse im Gutenberg-Gymnasium: Zehn Jahre danach Projekte-Verlag Cornelius GmbH, Halle 2011, ISBN 978-3-86237-617-9
• Paul-Josef Raue, Hanno Müller: Der Amoklauf: 10 Jahre danach - Erinnern und Gedenken, Klartext-Verlagsgesellschaft 2012, ISBN 3837507629

• Gazetarinformoj pri la raporto de la Gutenberg-komisiono. Arkivigite je 2009-03-16 per la retarkivo Wayback Machine
• Analizoj de la reagoj post la amokoj de Erfurt kaj Emsdetten.
• Pri la memorigejo ĉe erfurt-web.de.