Capucine

La Germaine Hélène Irène Lefebvre, cgnusùda méj c'n al nóm 'd art ad Capucine (Saint-Raphaël, 6 ad Śnar dal 1928 – Luśàna, 17 ad Mars dal 1990) 'l è stada n'atōra e mudèla francéśa.

La Germaine Lefebvre da śōvna la sarnìs 'd ciamàr-as Capucine, al nóm druâ in francéś p'r al fiōr Tropaeolum. Anc s'la sò famìja la vliva ch'la dvintìs n'insgnànta lē la và avànti listés par la sò strada par tgnir adrē a 'l sò deśidèri 'd far l'atōra.

A vint an la ciàpa na part in dal film L'aquila a due teste ad Jean Cocteau pò la cuntìnua cun Le sedicenni ad Jacques Becker. Dòp ès'r-as laureàda in léngui furastéri in Frància, in dal 1950 la spóśa 'l atōr e ardupiadōr Pierre Trabaud ma 'l sò matrimòni al durarà sōl sèt méś, pò la n sa spuśarà mai piò. Élta, magra e elegànta la Capucine la taca anc a far la mudèla par Christian Dior e par Pierre Balmain.

In di an Ssanta la lavóra cun George Cukor in Estasi e cun Blake Edwards in dla cumèdia La Pantera Rosa, un sucès mundiàł in du la fà la mujér ad cal cajòṅ d'l ispetōr Clouseau. Àtar film 'd arcurdàr ad cal perìud lè i èṅ Ciao Pussycat ad Clive Donner, Masquerade ad Joseph L. Mankiewicz e Fellini Satyricon ad Federico Fellini.

Dòp Sole rosso ad Terence Young la sò caréra in di an Stanta la và śò e dònca la s ardùś a lauràr a di prugèt piculèṅ in Frància e in Itàglia cuma Bluff - Storia di truffe e di imbroglioni ad Sergio Corbucci, Contro 4 bandiere 'd Umberto Lenzi, Le foto di Gioia ad Lamberto Bava, I miei primi 40 anni ad Carlo Vanzina e Pygmalion 88 ad Flavio Mogherini. Qvést chè al sarà anc la sò ultma pelìcula parchè dū an dòp la s cópa butànd-as fóra par la fnèstra dal sò cundumìni in du la vivìva in Śvisra faghénd un vōl da 'l utàṿ piàṅ. L'artìsta francéśa l'éra dimòndi śò e la gh'iva di prubléma 'd salùt tant ch'l'iva bèla tintâ 'd masàr-as tajànd-'s al véni ma i l'ìvan salvàda a 'l ùltim minùt. L'à lasâ incòsa a i sò tri gat.

• 1948 - L'aquila a due teste (L'aigle à deux têtes), regìa ad Jean Cocteau
• 1949 - Le sedicenni (Rendez-vous de juillet), regìa ad Jacques Becker
• 1949 - Branquignol regìa ad Robert Dhéry
• 1950 - Mon ami Sainfoin regìa ad Marc-Gilbert Sauvajon
• 1951 - Bertrand coeur de lion regìa ad Robert Dhéry
• 1955 - Mademoiselle de Paris regìa ad Walter Kapps
• 1955 - Frou-Frou regìa 'd Augusto Genina
• 1960 - Estasi (Song Without End), regìa ad George Cukor
• 1960 - Pugni, pupe e pepite (North to Alaska), regìa 'd Henry Hathaway
• 1961 - Il trionfo di Michele Strogoff (Le triomphe de Michel Strogoff), regìa ad Viktor Tourjansky
• 1962 - Anime sporche (Walk on the Wild Side), regìa 'd Edward Dmytryk
• 1962 - Il leone (The Lion), regìa ad Jack Cardiff
• 1962 - I Don Giovanni della Costa Azzurra regìa ad Vittorio Sala
• 1963 - La Pantera Rosa (The Pink Panther), regìa ad Blake Edwards
• 1964 - La settima alba (The 7th Dawn), regìa ad Lewis Gilbert
• 1965 - Ciao Pussycat (What's New, Pussycat), regìa ad Clive Donner
• 1966 - Le fate regìa ad Mauro Bolognini e ad Mario Monicelli
• 1967 - Masquerade (The Honey Pot), regìa ad Joseph L. Mankiewicz
• 1969 - Fräulein Doktor regìa 'd Alberto Lattuada
• 1969 - Las crueles regìa ad Vicente Aranda
• 1969 - Fellini Satyricon regìa ad Federico Fellini
• 1971 - Sole rosso (Soleil rouge), regìa ad Terence Young
• 1975 - L'incorreggibile (L'incorrigible), regìa ad Philippe de Broca
• 1975 - Jackpot regìa ad Terence Young
• 1976 - Bluff - Storia di truffe e di imbroglioni regìa ad Sergio Corbucci
• 1976 - Per amore regìa ad Mino Giarda
• 1977 - Ecco noi per esempio... regìa ad Sergio Corbucci
• 1978 - Ritratto di borghesia in nero regìa ad Tonino Cervi
• 1979 - Contro 4 bandiere (From Hell to Victory), regìa 'd Umberto Lenzi
• 1979 - Giallo napoletano regìa ad Sergio Corbucci
• 1979 - Avventura araba (Arabian Adventure), regìa ad Kevin Connor
• 1979 - Nel mirino del giaguaro (Jaguar Lives!), regìa 'd Ernest Pintoff
• 1982 - Afrodite (Aphrodite), regìa ad Robert Fuest
• 1982 - Sulle orme della Pantera Rosa (Trail of the Pink Panther), regìa ad Blake Edwards
• 1983 - Balles perdues regìa ad Jean-Louis Comolli
• 1983 - Pantera Rosa - Il mistero Clouseau (Curse of the Pink Panther), regìa ad Blake Edwards
• 1987 - Le foto di Gioia regìa ad Lamberto Bava
• 1987 - I miei primi 40 anni regìa ad Carlo Vanzina
• 1988 - Pygmalion 88 regìa ad Flavio Mogherini

• (EN) Filmugrafìa in s'l IMDb