Kappazuri

Printiau Siapaneaidd yw Kappazuri (hefyd kappa-zuri, kappazuri-e, a katagamizuri-e) a argraffir mewn un lliw (du fel arfer) gyda blociau pren ac a liwir gyda stensil wedyn. Gelwir printiau a wneir trwy stensilio yn unig, heb floc pren, yn 'kappazuri' hefyd. Ceir sawl enghraifft gan artistiaid ukiyo-e a shunga.

Er i nifer gael eu cynhyrchu yn Edo (Tokyo), cysylltir Kappazuri â phrintiau o Osaka a Kyoto yn bennaf. Y mwyaf cynhyrchiol o brintwyr kappazuri oedd yr arlunydd ukiyo-e Urakusai Nagahide, yn enwedig ei ddarluniau o'r wŷl geisha flynyddol yn ardal enwog Gion, yn Kyoto.