Крыштаф Францішак Сапега

Крыштаф Францішак Сапега
Krzysztof Franciszek Sapieha
Крыштаф Францішак Сапега
Герб «Ліс»
чашнік вялікі літоўскі 15 лютага 1658 — 18 сакавіка 1658
Папярэднік	Ян Кароль Копаць
Пераемнік	Марцыян Аляксандр Агінскі
староста ашмянскі 1662 — 1665
Папярэднік	Вінцэнт Гасеўскі
Пераемнік	Аляксандр Гіларый Палубінскі
падстолі вялікі літоўскі 18 сакавіка 1658 — 4 студзеня 1659
Папярэднік	Ян Кароль Копаць
Пераемнік	Марцыян Аляксандр Агінскі
крайчы вялікі літоўскі 22 ліпеня 1661 — 5 верасня 1665
Папярэднік	Крыштаф Патоцкі
Пераемнік	Марцыян Аляксандр Агінскі
стольнік вялікі літоўскі 4 студзеня 1659 — 22 ліпеня 1661
Папярэднік	Яўстахій Казімір Валовіч[d]
Пераемнік	Марцыян Аляксандр Агінскі
войт полацкі[d] 4 сакавіка 1658 — 5 верасня 1665
Папярэднік	Януш Кішка
Пераемнік	Ян Кароль Копаць
Нараджэнне	2 лютага 1623(1623-02-02)[1][2][…]
Смерць	5 верасня 1665(1665-09-05)[1][2][…] (42 гады)
Месца пахавання	Вішніцы
Род	Сапегі
Бацька	Фрыдэрык Сапега[d][2]
Маці	Ева са Скашэўскіх[d][2]
Жонка	Алена Саламярэцкая
Дзеці	Станіслаў Казімір, Уладзіслаў Юзафат, Андрэй Францішак
Адукацыя	Калегіум Навадворскага[d] Ягелонскі ўніверсітэт Балонскі ўніверсітэт
Медыяфайлы на Вікісховішчы

Крыштаф Францішак Сапега (2 лютага 1623 — 5 верасня 1665) — вялікалітоўскі дзяржаўны і ваенны дзеяч. Вялікі крайчы літоўскі (з 1661).

Вучыўся ў калегіуме Навадворскага ў Кракаве, з 1638 — у Кракаўскай акадэміі, пасля ў Італіі ў Балонні (1641).

Пасля вяртання на радзіму стаў дваранінам Уладзіслава Вазы (а з 1648 — Яна Казіміра). Прымаў удзел у казацка-сялянскай вайне 1648—1654. Удзельнічаў у бітвах пад Жоўтымі Водамі, Піляўцамі, Берасцечкам і Белай Царквой. З 1654 змагаўся з маскоўскім войскам падчас вайны Расіі з Рэччу Паспалітай 1654—1667, а таксама супраць шведаў.

У лютым 1658 стаў вялікім чашнікам літоўскім, праз месяц — падстоліем, у 1659 — стольнікам і нарэшце ў 1661 годзе — крайчым. 4 сакавіка 1658 года вялікі князь літоўскі і кароль польскі Ян Казімір падпісвае намінацыю на полацкае войтаўства (пасада была незанята са смерці Януша Кішкі ў 1654 годзе) Крыштафу Сапегу^[3]. Таксама быў старостам ашмянскім.

Паходзіў з кодзенскай лініі магнацкага роду Сапегаў, сын Фрыдэрыка і Ева Скашэўскай. Меў братоў Яна Фрыдэрыка, Тамаша Казіміра і Аляксандра Казіміра.

Ажаніўся да 1657 года з Аленай Саламярэцкай (памерла пасля 1667), дачкой смаленскага кашталяна Мікалая Льва Саламярэцкага. Пакінуў сыноў:

• Станіслава Казіміра (памёр каля 1673), старосту трабскога;
• Уладзіслава Юзафата (памёр у 1733), ваяводу менскага і берасцейскага;
• Андрэя Францішка (1660—1681), старосту чырвонагродскага.

• Генеалогія магнацкіх радоў Рэчы Паспалітай Архівавана 21 верасня 2013.