Цімаці Спол

навучаўся ў Нацыянальным моладзевым тэатры і ў Каралеўскай акадэміі драматычнага мастацтва, дзе яму быў прысуджаны залаты медаль Бэнкрафта — найлепшаму акцёру, які падае надзеі. Родны брат Цімаці, Мэцью, — дырэктар кампаніі «Morpheme», займаецца распрацоўкай камп’ютарных гульняў.

Цімаці Спол дэбютаваў у кіно ў фільмах «The Life Story of Baal» (1978) і «Квадрафенія» (1979). Пасля гэтага ён з’яўляўся ў такіх фільмах, як «Нявеста», «Галандскія дзяўчынкі», «Готыка», «Дэман сноў», «Круза», «Белы паляўнічы, чорнае сэрца», «Пад покрывам нябёсаў», «Таямніцы і хлусня», «Гамлет», «Крэзанутыя», «Мудрасць кракадзілаў» і «Вацель», а таксама ў серыяле «Ауф відэрзеен, хатнія», дзе ён гуляў Бары Тэйлара з 1983 па 2004 год.

Пасля 2000-х гадоў Спол здымаўся ў больш яркіх ролях. Сапраўдную вядомасць яму прынесла роля Пітэра Петыгру ў серыі фільмаў «Гары Потэр». Падзеяй стала галоўная ��оля Альберта Пірпайнта ў фільме «Апошні кат» (2005). Ён таксама сыграў камедыйнага персанажа Натаніэля ў фільме 2007 года «Зачараваная», з’явіўся ў асноўных ролях у фільмах «Суіні Тод, дэман-цырульнік з Фліт-стрыт», «Апалуза», «Пракляты „Юнайтэд“» і агучыў Баярда ў «Алісе ў Цудазем’і».

Атрымаў ад каралевы Лізаветы II званне афіцэра Ордэна Брытанскай імперыі (OBE) 31 снежня 1999 года.

За свае працы ў кіно і на тэлебачанні Сполл неаднаразова ганараваўся намінацый на прэмію BAFTA. 24 мая 2014 года за выкананне загалоўнай ролі ў фільме Майка Лі «Містэр Цёрнер» быў удастоены мноства ўзнагарод, у тым ліку прыза як найлепшы акцёр на 67-м Канскім кінафестывалі і Еўрапейскай кінапрэміі.