Ліст да Філімона Святога Апостала Паўла
Ліст да Філімо́на Свято́га Апо́стала Па́ўла[1], Ліст да Філімо́на[2], Пасла́ньне да Філімо́на[3] — адзін з лістоў апостала Паўла, які ўвайшоў у спіс кніг Новага Запавета. Месціцца пасля ліста да Ціта.
| Ліст да Філімона Святога Апостала Паўла | |
|---|---|
|
| |
| Частка старажытнага папіруса, які змяшчае Філ. 13-15 | |
| Раздзел: | Новы Запавет |
| Вікікрыніцы: |  Пасланьне да Філімона сьв. ап. Паўлы
Тэкст на Вікікрыніцах |
 Медыяфайлы на Вікісховішчы
| |
Адрасат
правіцьФілімон быў адным з кіраўнікоў царквы ў Калосах. Ён быў вельмі заможным чалавекам, у яго доме збіралася маладая хрысціянская суполка горада. Ён меў шмат маёмасці, а таксама рабоў. Апостал добра ведаў як Філімона, так і ўсю яго сям’ю, таму ў лісце Павел звяртаецца не толькі да Філімона, але і да яго жонкі Апфіі, а таксама да яго сына Архіпа, якія таксама былі хрысціянамі. Апостал называе Філімона і Архіпа сваімі супрацоўнікамі. Імя «Філімон» з грэчаскай мовы перакладаецца як «той, хто любіць міласэрнасць».
Мэта напісання і змест ліста
правіцьПавел, знаходзячыся ў турэмным зняволенні ў Рыме, сутыкнуўся з беглым рабом Анесімам. Анесім зрабіў свайму гаспадару Філімону нейкі злачынны ўчынак, хутчэй за ўсё, абкраў яго, а потым збег. На той час беглыя рабы знаходзілі прытулак у вялікіх гарадах, дзе было лягчэй схавацца ад пагоні. Такім чынам, Анесім апынуўся ў Рыме, дзе зноў зрабіў правіну і апынуўся ў турме. Там ён сустрэўся з Паўлам, дзякуючы якому стаў вернікам. Калі Анесім атрымаў свабоду, Павел адправіў яго дадому з суправаджальным лістом да яго былога пана. У лісце, які дайшоў да нас як ліст Філімону, Павел замаўляў за Анесіма, абгульваючы яго імя. Па-грэчаску «Анесім» значыць «каштоўны». Анесім як для Паўла, так і для Філімона, не бязмоўная рэч, але каштоўны і любімы брат. Апостал вельмі б жадаў, каб Філімон дараваў волю Анесіму, таму што Анесім стаў для Паўла вельмі добрым памочнікам.
Ліст да Філімона самы кароткі з лістоў Паўла, ён завяршае збор лістоў апостала. Ліст складаецца ўсяго з аднаго раздзела. Акрама таго, гэта адзіны асабісты ліст у Новым Запавеце. Павел паўстае ў ім горача любячым, далікатным чалавекам і глыбокім псіхолагам. Згодна з паданнямі, Анесім апасля стаў біскупам царквы ў Калосах і, мабыць, дзякуючы яму ліст захаваўся, таму што быў вельмі дарагім для яго.
Сціслы план ліста
правіць- Прывітанне (1-3)
- Хвала Філімону (4-7)
- Замова за Анесіма (8-22)
- Завяршэнне ліста (23-25)
Пераклады
правіць- Пасланьне да Філімона у перакладзе Васіля Сёмухі
- Да Філімона Пасланне святога Апостала Паўла ў перакладзе Біблейскай камісіі Беларускай праваслаўнай царквы
- Пасланне да Філімона Секцыі па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі
- Пасланьне да Філімона апостала Паўла ў перакладзе Антонія Бокуна
- Ліст сьвятога Паўлы апостала да Хілімона Архівавана 2 чэрвеня 2021. ў перакладзе Яна Станкевіча
- Пасланьне да Філімона сьв. ап. Паўлы Архівавана 2 чэрвеня 2021. ў перакладзе Лукаша Дзекуць-Малея і Антона Луцкевіча
- Пісьмо да Філімона Архівавана 2 чэрвеня 2021. ў перакладзе Уладзіслава Чарняўскага
- Ліст да Філемона ў перакладзе П. С. Татарыновіча
- Ліст да Філімона Святога Апостала Паўла ў перакладзе А. К. Клышкі
- Ліст да Філімона ў перакладзе Біблейскага таварыства ў Рэспубліцы Беларусь
- Пасланьне Паўлы да Хвілімона ў перакладзе Э. К. Сабілы, С. А. Малахава
Зноскі
- ↑ Анатоль Клышка. Новы Запавет. — Мінск: Пазітыў-цэнтр, 2014. — 610 с. — 3 000 экз. — ISBN 978-985-6983-42-2.
- ↑ Уладзіслаў Чарняўскі. Біблія. Кнігі Святога Пісання Старога і Новага Запаветаў. — Мінск: Біблейскае таварыства ў Рэспубліцы Беларусь, 2012. — 1127 с. — 4 000 экз. — ISBN 978-985-6183-14-6.
- ↑ Васіль Сёмуха. Біблія. Кнігі Сьвятога Пісаньня Старога і Новага Запавету. Кананічныя. У беларускім перакладзе. — DUNCANVILLE, USA: WORLD WIDE PRINTING, 2002. — 1538 с. — 10 000 экз. — ISBN 1-58712-085-2.
Літаратура
правіць- Райт Н.Т. Павел. Пастырские Послания. I и II Послания к Тимофею и Послание к Титу: популярный комментарий. - М.: ББИ, 2008. - 168 с. ISBN 5-89647-193-9
- Библейские комментарии отцов Церкви и других авторов. Новый Завет. Т. IX.: Послания Колоссянам, Фессалоникийцам 1-е и 2-е, Тимофею 1-е и 2-е, Титу, Филимону. - М., 2006. - 480 с. ISBN 5-901494-10-5
- Мэтью Генри. Толкование на книги Нового Завета. Том 6: Галатам, Ефесянам, Филиппийцам, Колоссянам, 1-2 Фессалоникийцам, 1-2 Тимофею, Титу, Филимону, Евреям, Откровение. 2001. 405 с.