Леанід Фёдаравіч Яўменаў
Леанід Фёдаравіч Яўме́наў (22 ліпеня 1932, Чэрыкаў, Магілеўская вобласць — 6 лістапада 2019[1]) — беларускі філосаф, пісьменнік. Доктар філасофскіх навук (1977), прафесар (1979). Член-карэспандэнт Нацыянальнай акадэміі навук Беларусі (1991).
| Леанід Фёдаравіч Яўменаў | |
|---|---|
| Асабістыя звесткі | |
| Дата нараджэння | 22 ліпеня 1932 |
| Месца нараджэння | |
| Дата смерці | 6 лістапада 2019 |
| Грамадзянства | |
| Дзеці | Таццяна Леанідаўна Яўменава[d] |
| Альма-матар | |
| Месца працы | |
| Прафесійная дзейнасць | |
| Род дзейнасці | перакладчык, пісьменнік, паэт |
| Мова твораў | беларуская |
| Грамадская дзейнасць | |
| Член у | |
Біяграфічныя звесткі
правіцьНарадзіўся ў сям’і настаўнікаў. Скончыў аддзяленне філасофіі гістарычнага факультэта Беларускага дзяржаўнага ўніверсітэта (1955), аспірантуру Акадэміі грамадскіх навук пры ЦК КПСС (1961). У 1954—1958 гг. — сакратар Мінскага гаркама камсамола. У 1961—1970 гг. — дацэнт Мінскага педагагічнага інстытута замежных моў. �� 1970—1971 гг. — лектар ЦК КПБ. З 1971 — міжнародны чыноўнік у дэпартаменце сацыяльных, гуманітарных навук і культуры ЮНЕСКА, з 1975 года — загадчык кафедры этыкі, эстэтыкі і навуковага атэізму БДУ, з 1979 — загадчык сектара Інстытута філасофіі і права АН БССР. З 1982 па 1999 — загадчык аддзела навуковай інфармацыі па грамадскіх навуках АН БССР. З 2002 загадчык кафедры, з 2006 прафесар Беларускага інстытута правазнаўства. У 2009—2016 — галоўны навуковы супрацоўнік Інстытута філасофіі НАН Беларусі.
Член Саюза пісьменнікаў СССР з 1981 г.
Творчасць, навуковая дзейнасць
правіцьВыступаў ў друку з мастацкімі творамі з 1949 года (бабруйская газета «Камуніст»). Выдаў зборнікі паэзіі «Чужая планета» (1980) і «Блізкія далі» (1983). Тэма радзімы, Беларусі, хараства роднай зямлі моцна гучаць у творах паэта. Перакладаў сучасную французскую і франкамоўную паэзію.
Аўтар навуковых прац па філасофіі, этыцы і эстэтыцы. Асобнымі выданнямі выйшлі «Філасофія антымарксізму і дыялектыка» (1981), «Антыгуманістычныя тэндэнцыі ў сучасным буржуазным мастацтве» (1983) і інш.
Выбраная бібліяграфія
правіць- Тотальный кризис и права человека. Мн.: Беларускі кнiгазбор, 1996.
- Международная идеология прав человека: проблемы — решения. Опыт философского исследования. Мн.: Бел. издат-во «Хата», 2000.
- Канцэптуальныя асновы палітычнай філасофіі Аб’яднаных Нацый Еўропы / Леанід Фёдаравіч Яўменаў // Полымя. — 2013. — N 8. — С. 174—188.
Крыніцы
правіцьЛітаратура
правіць- Банько, В. К. Леанід Фёдаравіч Яўменаў / В. К. Банько // Весці НАН Беларусі. — 2002. — № 2. — С. 123—124.
- Тузава, Т. М. Леанід Фёдаравіч Яўменаў / Т. М. Тузава, А. А. Лазаркевіч // Весці НАН Беларусі. — 2007. — № 3. — С. 12-125.
- Яўменаў Леанід Фёдаравіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1). — С. 315.
Спасылкі
правіць- Яўменаў Леанід Фёдаравіч на сайце НАН Беларусі
- Леанід Фёдаравіч Яўменаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
- Вехи славного пути. Памяти члена-корреспондента Л. Ф. Евменова // Философские исследования. Сборник научных трудов. — 2020. — Выпуск 7. — С. 385—388.