Дзмітрый Сяргеевіч Абашаў
Дзмі́трый Сярге́евіч Аба́шаў (22 студзеня 1991, Губаха, Пермская вобласць) — беларускі біятланіст, які мае таксама расійскае грамадзянства, удзельнік Кубка свету ў складзе зборнай Беларусі.
 Дзмітрый Абашаў | |
|---|---|
 | |
| Поўнае імя | Дзмітрый Сяргеевіч Абашаў |
| Нарадзіўся |
22 студзеня 1991 (33 гады) |
| Грамадзянства |
 Беларусь |
| Пражыванне | Мінск, Беларусь |
| Лежачы | 80% |
| Стоячы | 90% |
 Медыяфайлы на Вікісховішчы | |
Кар’ера
правіцьЮніёрская кар’ера
правіцьУ юнацкім узросце займаўся лыжным спортам у ДЮСШ г. Губаха Пермскай вобласці, першы трэнер — Цягло Ірына Міхайлаўна, далей СДЮСШАР «Старт» горада Пермі, першы трэнер — Марылаў Сяргей Генадзьевіч[1]. Прызываўся ў зборныя Расіі малодшых узростаў, у тым ліку ўдзельнічаў у Еўрапейскім юнацкім Алімпійскім фестывалі 2009 года, заваяваў 3-е месца (Бронзу) у эстафеце. На першынстве Расіі сярод юніёраў 2011 года лепшым вынікам Дзмітрыя стала 13-е месца.
У сезоне 2011/12 перайшоў у біятлон, першы трэнер Мерзлякоў Андрэй, г. Перм, удзельнічаў ва ўнутрырасійскіх спаборніцтвах сярод юніёраў.
Дарослая кар’ера
правіцьЛетам 2012 года прыняў грамадзянства Беларусі і быў уключаны ў другой склад зборнай краіны[2], выступае за клуб «Дынама» (Мінск). Першым спаборніцтвам для яго стаў чэмпіянат Беларусі па летнім біятлоне 2012 года, дзе Дзмітрый заняў шостае месца ў спрынце і восьмае ў мас-старце.
У сезоне 2012/13 дэбютаваў на Кубку IBU на этапе ў Валь-Рыдана, заняў 99-е месца ў спрынце. Першыя ачкі ў залік Кубка IBU набраў толькі год праз, на этапе ў Ідрэ, дзе быў 36-м у спрынце. На чэмпіянаце Еўропы 2014 года ў Нове-Места-на-Мораве лепшым вынікам Абашава стала 17-е месца ў індывідуальнай гонцы, таксама ён быў 36-м у спрынце і гонцы пераследвання, а ў эстафеце зборная Беларусі заняла шостае месца.
У 2013, 2014, 2016 гадах стаў пераможцам 50-кіламетровага лыжнага марафону «Сапраўдны мужык», які праходзіў у горадзе Чусавой Пермскага краю[3].
На Кубку свету Абашаў дэбютаваў у сезоне 2014/15 на этапе ў Рупольдынгу, стаў восьмым у эстафеце і 59-м у спрынце. У тым жа сезоне прыняў удзел яшчэ ў некалькіх этапах Кубка свету, у тым ліку ў чэмпіянаце свету ў Кантыялахці, дзе заняў 70-е месца ў спрынце, 97-е месца ў індывідуальнай гонцы і 10-е ў эстафеце. На чэмпіянаце Еўропы 2015 Дзмітрый займаў месца ў трэцім дзясятку ў асабістых гонках, а ў эстафеце стаў чацвёртым.
У 2015 годзе на чэмпіянаце Беларусі па летнім біятлоне выйграў срэбра ў змяшанай эстафеце[4], а ў спрынце заняў чацвёртае месца (і трэцяе сярод удзельнікаў з Беларусі)[5].
У лютым 2016 года Абашев упершыню набраў ачкі ў залік Кубка свету, заняўшы 29-е месца ў спрынце на этапе ў Кэнмары. У спаборніцтвах Кубка IBU ён упершыню падняўся на п’едэстал, фінішаваўшы трэцім у спрынце ў Нове-Места-на-Мораве.
Агульны залік у Кубку свету
правіць- 2015 — 2016 — 87-е месца (12 ачкоў)
- 2016 — 2017 — 80-е месца (16 ачкоў)
Зноскі
- ↑ Список спортсменов, зарегистрированных в базе данных РОО «Пермская краевая спортивная федерация лыжных гонок» Архівавана 2 красавіка 2016.
- ↑ Дмитрий Абашев перешёл в сборную Белоруссии
- ↑ Марафон «Настоящий мужик-2013»: фото и видео
- ↑ Чемпионат Беларуси по летнему биатлону. Смешанная эстафета(недаступная спасылка)
- ↑ Чемпионат Беларуси по летнему биатлону. Мужчины-Юниоры — Спринт(недаступная спасылка)
Спасылкі
правіць- Дзмітрый Сяргеевіч Абашаў — профіль на сайце IBU (англ.)
- Профіль biathlon.com.ua