Бабінавіцкі павет

Бабінавіцкі павет — адміністрацыйна-тэрытарыяльная адзінка ў складзе Магілёўскай губерні Расійскай імперыі, якая існавала ў 1777—1796 і 1802—1840 гадах. Цэнтр — Бабінавічы.

Бабінавіцкі павет
Краіна	Расійская імперыя
Уваходзіць у	Магілёўская губерня (?—1840)
Адміністрацыйны цэнтр	Бабінавічы

Утвораны 21 чэрвеня 1777 года з Дубровенскага павета. Плошча 301 600 дзесяцін, насельніцтва 55 100 чалавек (1782). 12 снежня 1796 года пры стварэнні Беларускай губерні павет скасаваны, яго тэрыторыя ўключана ў Аршанскі і Віцебскі паветы, 27 лютага 1802 года адноўлены. У 1831 годзе ў павеце жылі 50 700 чалавек. Канчаткова Бабінавіцкі павет скасаваны 23 лютага 1840 года, тэрыторыя ўвайшла ў Аршанскі павет.