Ліз Трас
Элізабет Мэры «Ліз» Трас (англ.: Elizabeth Mary "Liz" Truss; нар.26 ліпеня 1975, Оксфард) — брытанскі палітычны і дзяржаўны дзеяч.
2.jpg)
Лідар Кансерватыўнай партыі Вялікабрытаніі з 5 верасня па 24 кастрычніка 2022 года, Прэм’ер-міністр Вялікабрытаніі з 6 верасня па 25 кастрычніка 2022 года. Займала пасаду 50 дзён, стаўшы самым нядоўгім прэм’ерам у гісторыі Вялікабрытаніі.
Стала трэцяй жанчынай Прэм’ер-міністрам Вялікабрытаніі (пасля Маргарэт Тэтчэр і Тэрэзы Мэй). У мінулым — Міністр навакольнага асяроддзя, харчавання і сельскай гаспадаркі Вялікабрытаніі (2014—2016), Міністр юстыцыі Вялікабрытаніі і першая ў гісторыі жанчына лорд-канцлер (2016—2017), Міністр знешняга гандлю Вялікабрытаніі (2019—2021), Міністр замежных спраў Вялікабрытаніі (2021—2022).
На чале ўрада
правіцьЛіз Трас сутыкнулася з незадаволенасцю з боку аднапартыйцаў. У прыватнасці, Кансерватыўная партыя абяцала скараціць міграцыю ў Брытанію, але Трас фактычна адмовілася выконваць абяцанні. Яна адхіліла Суэлу Брэверман з пасады міністра ўнутраных спраў, бо тая абараняла меркаванне скараціць агульную міграцыю. Больш 20 дэпутатаў-кансерватараў публічна крытыкавалі Ліз Трас, прычым 13 публічна заклікалі яе выйсці ў адстаўку.
Прызначаны Ліз Трас міністр фінансаў Квасі Квартэнг у верасні абвясціў аб новым бюджэце, які прадугледжвае самае вялікае скарачэнне падаткаў за паўстагоддзя. Такім чынам яна хацела стымуляваць эканамічны рост. Рашэнне выклікала падзенне фунта да рэкордна нізкага ўзроўню і крытыку з боку МВФ. План на фоне энергетычнага крызісу аказаўся нерэалістычным.
Папулярнасць Трас моцна зменшылася, выбаршчыкаў непакоіў магчымы эканамічны хаос у краіне. Банку Англіі давялося ўмяшацца, каб стабілізаваць рынак дзяржаўнай запазычанасці і аднавіць давер.
Палітычны хаос павялічыўся ў наступныя дні на фоне міжпартыйнай барацьбы. Урэшце кансерватары рашылі прымусіць Ліз Трас пайсці. Многія заканадаўцы-кансерватары палічылі, што ў іх няма шанцаў выйграць выбары ў 2024 годзе з Трас на чале[7].
.jpg){kind=link}
Ліз Трас выйшла ў адстаўку праз 6 тыдняў пасля прызначэння. Гэта антырэкорд знаходжання на пасадзе брытанскага прэм’ера.
Зноскі
- ↑ а б в г д Who's who — (untranslated), 1849. — ISSN 0083-937X
- ↑ Pas L. v. Genealogics — 2003.
- ↑ https://www.theguardian.com/politics/2022/sep/05/pizza-nights-and-sleepovers-how-liz-truss-children-may-cope-with-life-at-no-10
- ↑ Landler M. A Hawkish Diplomat Takes Control, Facing Hard Times and Johnson’s Ghost — 2022.
- ↑ https://www.express.co.uk/news/politics/1638643/liz-truss-royal-family-lib-dem-conservative-leadership-2022-next-prime-minister-spt
- ↑ LittleSis — 2009. Праверана 6 верасня 2022.
- ↑ Чаму Ліз Трас так хутка пайшла?
Спасылкі
правіць- На Вікісховішчы ёсць медыяфайлы па тэме Ліз Трас