Леў Давыдавіч Гарэлік
Леў Давыдавіч Гарэлік (16 лютага 1929, Бабруйск — 11 красавіка 1996, Мінск) — беларускі скрыпач і педагог. Заслужаны артыст Беларускай ССР (1963). Народны артыст Беларускай ССР (1980), дацэнт кафедры струнных смычковых інструментаў Беларускай дзяржаўнай акадэміі музыкі[1].
| Леў Давыдавіч Гарэлік | |
|---|---|
 | |
| Асноўная інфармацыя | |
| Дата нараджэння | 16 лютага 1929 |
| Месца нараджэння | |
| Дата смерці | 11 красавіка 1996 (67 гадоў) |
| Месца смерці | |
| Месца пахавання | |
| Альма-матар | |
| Месца працы | |
| Музычная дзейнасць | |
| Педагог | Аркадзь Львовіч Бяссмертны і Аляксандр Навумавіч Амітон |
| Прафесіі | скрыпач, канцэртмайстар, музычны педагог |
| Інструменты | скрыпка |
| Узнагароды |
 |
Біяграфія
правіцьНарадзіўся 16 лютага 1929 года ў Бабруйску. Бацька, Давыд Гарэлік, быў фурманам, маці Мар’яся (Марыя) — хатняй гаспадыняй. У сям’і было сямёра дзяцей. Лёва займаўся ў музычнай школе Бабруйска, але, заўважыўшы поспехі, бацькі паказалі сына загадчыку кафедры скрыпкі Маскоўскай кансерваторыі, прафесару А. І. Ямпольскаму.
У 1945 годзе скончыў Цэнтральную музычную школу пры Маскоўскай кансерваторыі імя П. І. Чайкоўскага, па прычыне хваробы вярнуўся ў Беларусь, дзе паступіў у Беларускую кансерваторыю[1] і паралельна працаваў артыстам Дзяржаўнага акадэмічнага сімфанічнага аркестра БССР[1].
У 1952 годзе скончыў Беларускую кансерваторыю (вучань А. Л. Бяссмертнага і А. Н. Амітона).
З 1956 года — канцэртмайстар аркестра Дзяржаўнага тэатра оперы і балета БССР[1].
З 1952 года выкладаў у Сярэдняй спецыяльнай музычнай школе пры кансерваторыі[1], у 1960—1977 гадах — у Мінскім музычным вучылішчы[1], а з 1981 — у Беларускай кансерваторыі.
Выступаў у ГДР, ЧССР, Аўстрыі[1].
Памёр 11 красавіка 1996 года ў Мінску. Пахаваны на Паўночных могілках.
Творчасць
правіцьГады актыўнага канцэртавання Льва Гарэліка адзначаны сапраўдным узлётам беларускай скрыпічнай музыкі[1]. Праявіў сябе як тонкі, удумлівы інтэрпрэтатар[1]. Выконваў творы Анатоля Багатырова, Рыгора Пукста, Пятра Падкавырава, Генрыха Вагнера, Эдзі Тырманд, Яўгена Глебава, Дзмітрыя Смольскага, Рыгора Суруса, Кіма Цесакова, Андрэя Мдзівані, Галіны Гарэлавай, Валерыя Карэтнікава, Ніны Усцінавай і многіх іншых. Стаў першым з скрыпачоў, хто звярнуўся да твораў Міхала Ельскага.
Зноскі
Спасылкі
правіць- Горелик Лев Давыдович Архівавана 1 лістапада 2016.