Андрэй Мікалаевіч Арамнаў

Андрэй Мікалаевіч Арамнаў (17 красавіка 1988) — беларускі цяжкаатлет, алімпійскі чэмпіён.

Андрэй Мікалаевіч Арамнаў
Агульная інфармацыя
Пол	мужчынскі пол
Спецыялізацыя	цяжкая атлетыка[1]
Нарадзіўся	17 красавіка 1988(1988-04-17) (36 гадоў) Барысаў, Мінская вобласць, БССР, СССР
Грамадзянства	Беларусь
Рост	172 см
Вага	105 кг
Узнагароды і медалі Цяжкая атлетыка Алімпійскія гульні Золата Пекін 2008 да 105 кг Чэмпіянаты свету Золата Чыянг-Май 2007 да 105 кг Срэбра Патайя 2019 да 109 кг Чэмпіянаты Еўропы Срэбра Батумі 2019 да 109 кг
Медыяфайлы на Вікісховішчы

На Летніх Алімпійскіх гульнях 2008 у Пекіне Арамнаў атрымаў залаты медаль у вагавай катэгорыі 105 кг, устанавіў тры сусветныя рэкорды: у рыўку (200 кг), штуршку (236 кг) і суме дваябор’я (436 кг).

Стаў пераможцам нацыянальнага адкрытага публічнага конкурсу «Трыумф. Героям спорту 2008» у Беларусі ў намінацыі «Спартсмен года», атрымаўшы 563218 галасоў.

У 2016 Андрэй Арамнаў заявіў аб тым, што завяршыў кар’еру.

У 2017 прысуджаны да 2 гадоў абмежавання волі за чарговае п’янае кіраванне.

У 2018 годзе аднавіў спартыўную кар’еру. Стаў срэбраным прызёрам Чэмпіянату Еўропы-2019 у вагавай катэгорыі да 109 кг і рэкардсменам Беларусі. Пасля Андрэй Арамнаў стаў адным з галоўных герояў планетарнага першынства ў Патаі (Тайланд), выйграўшы срэбра ў шматбор’і, а таксама малыя сярэбраны і бронзавы медалі ў асобных практыкаваннях. Ён быў прызнаны найлепшым спартсменам 2019 года ў Беларусі па выніках апытання сярод журналістаў, якое праводзіла газета «Спортивная панорама»^[2][3].