Лоеўскі замак

Помнік абарончай архітэктуры
Лоеўскі замак
Краіна	Беларусь
Мястэчка	Лоеў
Дата заснаваньня	XIV ст.
Лоеўскі замак на Вікісховішчы

Лоеўскі замак — помнік гісторыі і абарончай архітэктуры ў Лоеве. Знаходзіўся на правым беразе ракі Дняпра, на месцы старажытнага паселішча Лоева Гара мілаградзкай культуры і гарадзішча XI—XIII стагодзьдзяў. Існаваў у XIV—XVII стагодзьдзях.

Драўляны замак у Лоеве збудавалі ў XIV ст. Яго неаднаразова разбуралі крымскія татары. На мапе М. Струбіча за 1578 год значыцца высокая абарончая вежа.

Па другім падзеле Рэчы Паспалітай (1793 год), калі Лоеў апынуўся ў складзе Расейскай імпэрыі, замак канчаткова зруйнавалі.

У 2001 годзе афіцыйна зацьвердзілі герб і сьцяг Лоева з гіпатэтычнай выявай замка.

Меў форму паўкруга дыямэтрам каля 125 м, абведзенага земляным валам і ровам. Апісаньне фартыфікацыяў не захавалася. Відаць, тут былі традыцыйныя драўляныя вежы і сьцены-гародні^[1].

• Гістарычная графіка замка
• 
  З мапы 1613 г.
• 
  Плян, 1651 г.
• 
  Плян, К. Эйгірд, 1663 г.
• 
  Плян, К. Эйгірд, 1663 г.

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 6: Дадаізм — Застава. — 576 с. — ISBN 985-11-0106-0