Зьвесткі зь Вікіпэдыі — вольнай энцыкляпэдыі
«Гісторыя майго жыцьця» — песьня беларускага гурту Naviband, які прадстаўляў Беларусь на конкурсе песьні Эўрабачаньне-2017. Аўтарам песьні ёсьць саліст гурту Арцём Лук’яненка. 30 лістапада 2016 року быў зьняты кліп на песьню, 7 сакавіка 2017 року гуказапісная студыя MediaCube Music выпусьціла сынґл для спампаваньня з Інтэрнэту. Гэтая песьня стала першаю песьняю, выкананаю на «Эўрабачаньні» беларускаю моваю[1][2].
Гурт Naviband падаў сваю заяву на ўдзел у беларускім нацыянальным адборы 26 лістапада 2016 року[3], і 30 лістапада гурт улучылі ў лік 13 фіналістаў нацыянальнага адбору зь песьняю «Гісторыя майго жыцьця»[4]. Фінал прайшоў 20 студзеня 2017 року, і гурт выйграў нацыянальны адбор: ён заняў 1-е месца па выніках галасаваньня журы і 5-е месца па выніках галасаваньня гледачоў, стаўшы ўдзельнікам «Эўрабачаньня» ад Беларусі[1]. Упершыню ў гісторыі «Эўрабачаньня» песьня была выкананая на беларускай мове — раней па-беларуску выступалі толькі ўдзельнікі «Дзіцячага Эўрабачаньня»[2]. Беларусь выступіла ў другім паўфінале конкурсу 11 траўня 2017 року[5][6]. З гэтаю песьняю Naviband трапілі ў фінал конкурсу, дзе затым занялі 17-е месца.
| 1. |
«Гісторыя майго жыцьця» (Эўравізія-2017) |
2:59 |
| 2. |
«Гісторыя майго жыцьця» (вэрсія для караоке) |
2:59 |
| Рэґіён
|
Дата
|
Фармат
|
Лэйбл
|
| Сьвет
|
30 лістапада 2016
|
відэакліп
|
н/д
|
| 7 сакавіка 2017
|
лічбавая дыстрыбуцыя
|
MediaCube Music
|
|
|---|
|
|
|
закрэсьленым пазначаныя выступы, у якіх Беларусь ня брала ўдзелу |
.svg){kind=small}