Міхась Пазьнякоў

	Міхась Пазьнякоў
	Міхась Пазьнякоў (у цэнтры) на XXIV Міжнароднай кніжнай выставе ў Менску, 12 лютага 2017 году
Асабістыя зьвесткі
Нарадзіўся	24 студзеня 1951 (73 гады) або 1951; Забродзьдзе[d], Чарнаборскі сельсавет, Быхаўскі раён, Магілёўская вобласьць, БССР, СССР;
Літаратурная дзейнасьць
Род дзейнасьці	перакладнік, пісьменьнік, паэт, празаік, мовазнавец, літаратурны крытык
Мова	беларуская мова і расейская мова
Узнагароды	Літаратурная прэмія імя Янкі Маўра Літаратурная прэмія імя Петруся Броўкі[d] (1996) прэмія Фэдэрацыі прафсаюзаў беларускай[d] Нацыянальная літаратурная прэмія (2016)

Міха́сь Пазьняко́ў (Міхаіл Паўлавіч Пазьнякоў; нар. 24 студзеня 1951; в. Забродзьдзе, Быхаўскі раён, Магілёўская вобласьць) — беларускі паэт, празаік, перакладчык, крытык, мовазнавец.

Біяграфія

Нарадзіўся 24 студзеня 1951 году ў в. Забродзьдзе Быхаўскага раёну Магілёўскай вобласьці.

У 1977 годзе скончыў філялягічны факультэт БДУ. Яшчэ ў студэнцкія гады працаваў рабочым на Менскім заводзе шасьцерняў, пазьней настаўнічаў у Бярэзінскім раёне і ў Менску. У 1978 годзе залічаны на працу ў Інстытут мовазнаўства НАНБ, дзе браў удзел у распрацоўцы 2-томных «Русско-белорусского словаря» і «Беларуска-рускага слоўніка», распрацаваў і выдаў вялікі «Слоўнік эпітэтаў беларускай літаратурнай мовы» (1988).

З 1981 году — дырэктар Літаратурнага музэю М. Багдановіча. У 1984—2000 гадох працаваў у дзяржаўным выдавецтве «Юнацтва». Потым два гады ўзначальваў часопіс «Вожык». З 2003 году — у часопісе «Нёман», да траўня 2008 году — намесьнік галоўнага рэдактара, у 2008—2009 гадох — галоўны рэдактар. Адначасова быў намесьнікам дырэктара рэдакцыйна-выдавецкай установы «Літаратура і мастацтва». З 2009 году — сакратар праўленьня Саюзу пісьменьнікаў Беларусі, старшыня яго Менскага гарадзкога аддзяленьня.

Узнагароды

Ляўрэат Літаратурнай прэміі імя Петруся Броўкі ў галіне дзіцячай літаратуры (1996),
ляўрэат трох рэспубліканскіх літаратурных прэмій «Лепшая кніга году»,
ляўрэат прэміі Фэдэрацыі прафсаюзаў Беларусі,
ляўрэат прэміі міністра абароны Рэспублікі Беларусь у галіне літаратуры,
мэдаль Францішка Скарыны (2011)^[3],
ляўрэат Нацыянальнай літаратурнай прэміі ў намінацыі «Найлепшы твор дзіцячай літаратуры» (2016)^[4]

Крыніцы

[_1774691e91418d2a-1] Identifiants et Référentiels (фр.) — ABES, 2011.

[_3326d7472e817050-2] а ^б Paznjakoŭ, Mìchas‘ // Нацыянальная служба Чэскай рэспублікі

[3] Указ Прэзідэнта Рэспублікі Беларусь ад 23 лістапада 2011 года № 535 «Аб узнагароджанні дзяржаўнымі ўзнагародамі Рэспублікі Беларусь»

[4] СЛОЎныя перавагі

[1]