Музэй і мастацкая галерэя Дэрбі
| Музэй і мастацкая галерэя Дэрбі | |
| Derby Museum and Art Gallery | |
 Будынак музэю | |
| Месцазнаходжаньне | Дэрбі, Вялікабрытанія |
|---|---|
| Створаны | 1836 г. |
| Геаграфічныя каардынаты | 52°55′20″ пн. ш. 1°28′46″ з. д. / 52.92222° пн. ш. 1.47944° з. д.Каардынаты: 52°55′20″ пн. ш. 1°28′46″ з. д. / 52.92222° пн. ш. 1.47944° з. д. |
| Музэй і мастацкая галерэя Дэрбі на мапе Вялікабрытаніі   Музэй і мастацкая галерэя Дэрбі | |
| Старонка музэю | |
Музэй і мастацкая галерэя Дэрбі (па-ангельску: Derby Museum and Art Gallery) — музэ��, заснаваны ў 1836 годзе сумесна з Цэнтральнай бібліятэкай Дэрбі, у адмыслова пабудаваным па праекце Рычарда Ніла Фрымэна (па-ангельску: Richard Knill Freeman) і ахвяраваным месту Майклам Томасам (па-ангельску: Michael Thomas Bass, Jr.) будынку.
У музэі прадстаўлена мноства карцінаў Джозэфа Райта (захоўваецца больш за 300 ягоных эскізаў, 34 карціны алеем і дакумэнты), прадукцыя Royal Crown Derby. Акрамя таго, сабраныя калекцыі археалягічных, прыродазнаўчых, геалягічных і ваенных аб’ектаў, а таксама калекцыя парцалянавых вырабаў з Дэрбі і яго ваколіцаў[1], карціны Луізы Рэйнэр, яе бацькі Сэм'юэла Рэйнэра, Эрнста Таўсэнда, Альфрэда Джона Кіна, Эрнста Эліса Кларка, Дэйвіда Пэйна, Джорджа Тэрнэра, Ўільяма Кофі, Джорджа Гольцэндорфа й іншых[2].
Гісторыю музэю можна адлічваць ад заснаваньня «Музэйнага і прыроднага таварыства места і графства Дэрбі» 10 лютага 1836 году. Гэта была закрытая супольнасьць, заснаваная на падпісцы яе сябраў[3]. У калекцыю першапачаткова былі ўнесеныя мінэралы і пудзілы птушак[4]. У 1964 годзе музэй і арт-галерэя былі пераведзеныя ў новы будынак, але будынак бібліятэкі працягвае быць падзелены з гэтымі арганізацыямі.
У 2011 годзе Фундацыя Вікімэдыя і Музэй Дэрбі і мастацкая галерэя адкрылі супольны праект[5] па паляпшэньні Вікіпэдыі, у рамках якога за напісаньне і паляпшэньне артыкулаў, зьвязаных з музэем, увесну-ўлетку 2011 году будуць уручаныя прызы. Тэксты напісаных у рамках праекту артыкулаў будуць дасяжныя наведвальнікам музэю праз QR-коды[6].
Крыніцы
[рэдагаваць | рэдагаваць крыніцу]- ^ Derby Museum and Art Gallery (анг.) Праверана 3 траўня 2011 г.
- ^ Sarah Allard, Nicola Rippon Goodey’s Derby. — Breedon Books, 2003. — 157 с. — ISBN 1 85983 379 9
- ^ Newsletter of the Geological Curators Club (анг.) (PDF) Праверана 3 траўня 2011 г.
- ^ Stephen Glover The history and directory of the borough of Derby, a guide p.430. — 1829.
- ^ Wikipedia:GLAM/Derby/Multilingual Challenge
- ^ Derby Museums and Wikipedia Join Forces to Improve Content (анг.) Праверана 3 траўня 2011 г.
Вонкавыя спасылкі
[рэдагаваць | рэдагаваць крыніцу]- Вэб-старонка музэю(недаступная спасылка) (анг.)