Магілёўскі мясакамбінат

	«Магілёўскі мясакамбінат»
Тып	адкрытае акцыянэрнае таварыства
Дэвіз	У мясе нашым сіла Ваша
Заснаваная	1905
Краіна	Беларусь
Разьмяшчэньне	Магілёў
Адрас	Кастрычніцкі раён, прасп. Дзімітрава, д. 11
Ключавыя фігуры	Сяргей Любянкоў, Андрэй Дрэнь
Галіна	прамысловасьць
Прадукцыя	кілбаса, пяльмені, сардэлькі, сасіскі, стэйкі і фарш з кураціны, ялавічыны і сьвініны
Абарачэньне	▼1125,340 млрд рублёў (2015 г.; $69,236 млн)
Апэрацыйны прыбытак	▼4,085 млрд руб (2015 год; $251,3 тыс.)
Чысты прыбытак	▲1,029 млрд руб (2015 год; $63,3 тыс.)
Лік супрацоўнікаў	1048 (2016 год)
Матчына кампанія	ДА «Мясамалпрам»
	mogmk.by

Вэрсія для друку болей не падтрымліваецца і можа мець памылкі апрацоўкі. Калі ласка, абнавіце закладкі броўзэру і выкарыстоўвайце ўбудаваную функцыю друку броўзэру.

Каардынаты: 53°51′50″ пн. ш. 30°21′54″ у. д. / 53.86389° пн. ш. 30.365° у. д. / 53.86389; 30.365

«Магілёўскі мясакамбіна́т» — дзяржаўнае мясаперапрацоўчае прадпрыемства Беларусі, заснаванае ў 1905 годзе ў Магілёве ў якасьці прыватнай жывёлабойні.

На 2019 год прадпрыемства выпускала мясныя вырабы пад 2 беларускамоўнымі таварнымі знакамі: уласным «Гурмістр»^[5] і сумесным «Панскія прысмакі» з ТАА «Міт Вялес Груп»^[6]. Фірмовы гандаль налічаў 18 уласных крамаў — 7 у Магілёве, 3 у Шклове і па 1 у Віцебску, Менску, а таксама ў іншых 5 гарадах Магілёўскай вобласьці: Бабруйску, Горках, Качэрычах, Круглым і Крычаве^[7]. Гандлёвыя прадстаўніцтвы дзейнічалі ў 4 з 6 вобласьцяў Беларусі — Бабруйску (Магёлёўская вобл.), Берасьці, Віцебску і Менску^[8]. У Маскоўскай вобласьці Расеі працавалі 2 замежныя дылеры: ТАА «Міт Вялес Груп» (Каралёў) для збыту кілбасы і ТАА «Партнэр-М» (Даўгапрудны) для збыту ялавічыны^[9].

Вырабы

На 2019 год ААТ «Магілёўскі мясакамбінат» вырабляла пад таварнымі знакамі «Гурмістр» і «Панскія прысмакі»:

стэйкі зь ялавічыны і ялавічны язык;
пяльмені зь ялавічыны («Сакавітыя новыя»), а таксама з кураціны і сьвініны;
варана-вэнджаныя кілбасы (у тым ліку салямі) з кураціны («Браслаўская», «Палескі сэрвэлят»), а таксама зь ялавічыны і сьвініны;
сардэлькі з кураціны («Траецкія») і ялавічыны («Прэміюм»), а таксама са сьвініны;
сасіскі з кураціны («Папулярныя») і ялавічыны («Ялавічныя»), а таксама са сьвініны;
вараную кілбасу з кураціны («Венская») і ялавічыны («Прэміюм»), а таксама са сьвініны;
чыпсы зь ялавічыны («Сьвяточныя»), а таксама са сьвініны;
сыравэнджаныя кілбасы зь ялавічыны («Араматная», «Ярданская»), а таксама з кураціны і сьвініны;
фарш зь ялавічыны і сьвініны;
чабурэкі з кураціны, ялавічыны і сьвініны;
паўвэнджаныя кілбасы зь ялавічыны і сьвініны;
сыравяленыя кілбасы зь ялавічыны і сьвініны;
сьвіныя зэльц, крывяную (кішка) і лівэрную кілбасу, рагу, рэбры, сальцісон, студзень, крывяны хлеб і шашлык;
сьвіную бужаніну, бэкон, грудзінку, каркоўку, карэйку, кумпяк, паляндвіцу, рулет, рульку, руляду, сала, шпік і шынку^[10].

Мінуўшчына

У 1905 годзе ў Магілёве заснавалі мескую жывёлабойню. У 1913 годзе прадпрыемства абсталявалі лёдасаляной лядоўняй на 5 тонаў мяса за содні. У 1922 годзе пабудавалі кілбасны цэх на тону вырабаў за зьмену. У 1940 годзе перапрацоўвалі па 10 тонаў мяса і выпускалі 2 тоны кілбасы за зьмену. У 1953 годзе пабудавалі вытворчы корпус на 20 тонаў мяса, 5 тонаў птушкі і 4 тоны кілбасы за зьмену. Адначасна здалі лядоўню на 1000 тонаў адначаснага захоўваньня і на 20 тонаў замарозкі мяса за содні^[11]. У 1963 годзе кіраўнік «Магілёўскага мясакамбіната» падпісаў Загад аб вымове 44% работнікаў, зь іх 121 за крадзеж мясных вырабаў. На 1 студзеня 1964 году інвэнтарызацыя выявіла па лядоўні № 2 недахоп 26,45 тоны мясных вырабаў. У выніку на дзесяцігодзьдзе прадпрыемства стала атаясамлівацца са злачыннасьцю ў мяса-малочнай прамысловасьці Беларускай ССР^[12].

У 1965 годзе на «Магілёўскім мясакамбінаце» адчынілі скуракансэрвавы цэх. У 1970 годзе магутнасьць лядоўні павялічылі да 3000 тонаў захоўваньня і 100 тонаў содневай замарозкі. Адначасна «Магілёўскі мясакамбінат» павялічыў магутнасьць кілбаснага цэха з 8 да 12 тонаў за зьмену. У 1986-м стварылі цэх зарэзу жывёлы і апрацоўкі тушаў, дзе сталі апрацоўваць звыш 60% сыравіны^[11]. 30 студзеня 2002 году прадпрыемства пераўтварылі ў адкрытае акцыянэрнае таварыства, якім стаў кіраваць камітэт сельскай гаспадаркі і харчаваньня Магілёўскага аблвыканкама^[13]. У 2016 годзе «Магілёўскі мясакамбінат» увёў беларускамоўны таварны знак «Гурмістр»^[14].

Крыніцы

^ Кантакты (рас.) // ААТ «Магілёўскі мясакамбінат», 2019 г. Праверана 24 лістапада 2019 г.
^ Кіраўніцтва (рас.) // ААТ «Магілёўскі мясакамбінат», 2019 г. Праверана 24 лістапада 2019 г.
^ Справаздача аб дзейнасьці ААТ за 2015 год // Міністэрства фінансаў Рэспублікі Беларусь, 23 траўня 2016 г. Праверана 24 лістапада 2019 г.
^ Сярэднеўзважаны курс беларускага рубля ў адносінах да замежных валют на валютным рынку Рэспублікі Беларусь за 2015 год (16 253,61 за даляр) // Нацыянальны банк Рэспублікі Беларусь, 2016 г. Праверана 24 лістапада 2019 г.
^ Гандлёвая марка «Гурмістр» (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.
^ «Панскія прысмакі» (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.
^ Фірмовы гандаль (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.
^ Прадстаўніцтвы (рас.) // ААТ «Магілёўскі мясакамбінат», 2019 г. Праверана 24 лістапада 2019 г.
^ Нашыя дылеры (рас.) // ААТ «Магілёўскі мясакамбінат», 2019 г. Праверана 24 лістапада 2019 г.
^ Навінкі вырабаў (рас.) // ААТ «Магілёўскі мясакамбінат», 2019 г. Праверана 24 лістапада 2019 г.
^ ^а ^б Магілёўскі мясакамбінат // Магілёўская абласная бібліятэка, 2007 г. Праверана 4 лістапада 2019 г.
^ Аляксандар Агееў. Карупцыйныя праявы на прамысловых прадпрыемствах усходніх рэгіёнаў БССР у 1956—1970 гг. і меры іх прадухіленьня // Карупцыйныя рызыкі кадравага патэнцыяла Беларусі: зборнік навуковых артыкулаў / рэд. Юры Бубнаў. — Магілёў: Магілёўскі дзяржаўны ўнівэрсытэт харчаваньня, 2019. — С. 21-31. — 123 с. — 70 ас. — ISBN 978-985-572-054-7
^ Гісторыя завода (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.
^ Алесь Асіпцоў. Навошта магілёўскім прадпрыемствам беларускамоўная рэкляма // «Беларускія навіны», 19 студзеня 2017 г. Праверана 24 лістапада 2019 г.

Вонкавыя спасылкі

Электронны зварот (рас.) // ААТ «Магілёўскі мясакамбінат», 2019 г. Праверана 24 лістапада 2019 г.

[1] Кантакты (рас.) // ААТ «Магілёўскі мясакамбінат», 2019 г. Праверана 24 лістапада 2019 г.

[2] Кіраўніцтва (рас.) // ААТ «Магілёўскі мясакамбінат», 2019 г. Праверана 24 лістапада 2019 г.

[3] Справаздача аб дзейнасьці ААТ за 2015 год // Міністэрства фінансаў Рэспублікі Беларусь, 23 траўня 2016 г. Праверана 24 лістапада 2019 г.

[4] Сярэднеўзважаны курс беларускага рубля ў адносінах да замежных валют на валютным рынку Рэспублікі Беларусь за 2015 год (16 253,61 за даляр) // Нацыянальны банк Рэспублікі Беларусь, 2016 г. Праверана 24 лістапада 2019 г.

[5] Гандлёвая марка «Гурмістр» (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.

[6] «Панскія прысмакі» (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.

[7] Фірмовы гандаль (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.

[8] Прадстаўніцтвы (рас.) // ААТ «Магілёўскі мясакамбінат», 2019 г. Праверана 24 лістапада 2019 г.

[9] Нашыя дылеры (рас.) // ААТ «Магілёўскі мясакамбінат», 2019 г. Праверана 24 лістапада 2019 г.

[10] Навінкі вырабаў (рас.) // ААТ «Магілёўскі мясакамбінат», 2019 г. Праверана 24 лістапада 2019 г.

[а-11] а ^б Магілёўскі мясакамбінат // Магілёўская абласная бібліятэка, 2007 г. Праверана 4 лістапада 2019 г.

[12] Аляксандар Агееў. Карупцыйныя праявы на прамысловых прадпрыемствах усходніх рэгіёнаў БССР у 1956—1970 гг. і меры іх прадухіленьня // Карупцыйныя рызыкі кадравага патэнцыяла Беларусі: зборнік навуковых артыкулаў / рэд. Юры Бубнаў. — Магілёў: Магілёўскі дзяржаўны ўнівэрсытэт харчаваньня, 2019. — С. 21-31. — 123 с. — 70 ас. — ISBN 978-985-572-054-7

[13] Гісторыя завода (рас.) // ААТ «Магілёўскі мясакамбінат», 28 красавіка 2018 г. Праверана 24 лістапада 2019 г.

[14] Алесь Асіпцоў. Навошта магілёўскім прадпрыемствам беларускамоўная рэкляма // «Беларускія навіны», 19 студзеня 2017 г. Праверана 24 лістапада 2019 г.

[1]