Царква Сьвятой Тройцы (Ула)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік гісторыі
Царква Сьвятой Тройцы
Траецкая царква
Краіна	Беларусь
Вёска	Ула
Каардынаты	55°13′42.89″ пн. ш. 29°14′31.100″ у. д. / 55.2285806° пн. ш. 29.24197222° у. д. / 55.2285806; 29.24197222Каардынаты: 55°13′42.89″ пн. ш. 29°14′31.100″ у. д. / 55.2285806° пн. ш. 29.24197222° у. д. / 55.2285806; 29.24197222
Канфэсія	Беларускі экзархат
Эпархія	Віцебская і Аршанская япархія[d]
Архітэктурны стыль	псэўдарускі стыль[d]
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Царква́ Сьвято́й Тро́йцы — помнік гісторыі другой паловы XIX стагодзьдзя (мураўёўка) ва Уле. Знаходзіцца ў цэнтры колішняга мястэчка, на беразе ракі Улы. Дзее. Твор архітэктуры расейскай эклектыкі.

Мураваную царкву Ўрадавага сыноду Расейскай імпэрыі (Маскоўскай царквы) ва Уле збудавалі ў 1896 годзе.

За савецкім часам царкву зачынілі. Пацярпела ў час Другой сусьветнай вайны. У 1990-я гады будынак аднавілі.

Прыклад сынадальнага кірунку эклектычнай царкоўнай архітэктуры Расейскай імпэрыі. Гэта крыжова-купальны храм сымэтрычнай падоўжна-восевай кампазыцыі: узьнятыя на высокі цокаль званіца над прытворам, прастакутная трапезная, кубападобная заля з бакавымі крыламі, паўкруглая апсыда з бакавымі 3-граннымі прыдзеламі. У сылюэце пануе купал-цыбуліна шатровай званіцы (васьмярык на чацьверыку). 4-схільны дах асноўнага кубападобнага аб’ёму ўздымаецца на два ярусы кілепадобных какошнікаў і завяршаецца цэнтральнай і чатырма кутнімі купаламі-цыбулінай на цыліндрычных барабанах. Атынкаваныя фасады завяршаюцца філёнгавымі фрызамі і прафіляванымі карнізамі. Яны маюць насычаную архітэктурную плястыку: квадратныя шырынкі па цокалі і кутніх лапатках, кутнія бочкападобныя калёнкі, нішы, філёнгі і шматлікія падзелы, пазычаныя з дойлідзтва Маскоўскай дзяржавы. Аркавыя галоўкі і бакавыя ўваходныя і аконныя праёмы аздабляюцца кілепадобнымі ліштвамі.

Усярэдзіне мае дынамічную камазыцыю: скрыжаваньне перакрытых цыліндрычнымі скляпеньнямі галоўнага і папярочных нэфаў раскрываецца ў скляпеньне сяродкрыжжа з адкрытым у яго цыліндрычным сьветлавым барабанам^[1].

• Старыя здымкі
• 
  да 1918 г.
• 
  1941 г.
• 
  1941 г.
• 
  1941 г.

• 
  17 ліпеня 1941 г.
• 
  1941—1944 гг.
• 
  1941—1944 гг.
• 
  1941—1944 гг.

• 
  1941—1944 гг.
• 
  1941—1944 гг.
• 
  1941—1944 гг.
• 
  1941—1944 гг.

• 
  1941—1944 гг.
• 
  1941—1944 гг.
• 
  1941—1944 гг.
• 
  1941—1944 гг.

• Сучасны стан
• 
  Агульны выгляд
• 
  Галоўны фасад
• 
  Помнік каля царквы
• 
  З боку Дзьвіны

• Кулагін А. Праваслаўныя храмы на Беларусі: Энцыкл. даведнік. — 2-е выд. — Менск: БелЭн, 2001. — 328 с.: іл. ISBN 985-11-0190-7.

• Царква Сьвятой Тройцы ва Уле, Radzima.org