Дубраўскі раён

Плошча раёну — 1030 км². Мяжуе на поўначы з Рагнедзінскім раёнам, на поўдні — з Клетнянскім раёнам, на ўсходзе — з Жукаўскім раёнам, на захадзе — са Смаленскай вобласьцю.

Асноўныя рэкі — Сешча, Белізна, Дзясна.

Дубраўскі раён быў утвораны ў 1929 годзе на аснове Дубраўскай воласьці Бежыцкага павету Бранскай губэрні і частцы Сешчанскай воласьці Рослаўскага павету Смаленскай губэрні. Ад пачатку раён уваходзіў у склад Рослаўскай акругі Заходняй вобласьці.

У 1937 годзе была ўтворана Арлоўская вобласьць, у якую разам зь іншымі раёнамі цяперашняй Бранскай вобласьці ��вайшоў і Дубраўскі раён.

5 ліпеня 1944 году ўказам Прэзыдыюму Вярхоўнага савету СССР была ўтворана Бранская вобласьць, у склад якой быў улучаны і Дубраўскі раён.

У 1963—1972 гадах у склад раёну ўваходзіла тэрыторыя часова скасаванага Рагнедзінскага раёну.

Насельніцтва раёну складае 22,0 тыс. чалавек. Усяго налічваецца 127 сельскіх населеных пунктаў.

Па муніцыпальнай рэформе (2005) у раёне налічваецца 1 мескае і 6 сельскіх паселішчаў:

Мескія паселішчы:

• Дубраўскае мескае паселішча

Сельскія паселішчы:

• Алешынскае сельскае паселішча
• Пеклінскае сельскае паселішча
• Рабчынскае сельскае паселішча
• Рэкавіцкое сельскае паселішча
• Сешчанскае сельскае паселішча
• Сяргееўскае сельскае паселішча

Праз раён праходзяць чыгунка і аўтадарога, якія злучаюць Бранск і Смаленск.

• Царква Сьв. Тройцы ў в. Галубея.
• Царква Нараджэньня Божай Маці ў в. Давыдчычы.
• Царква Праабражэньня Гасподняга ў Рэкавічы.
• Парк «Трохбрацкае».

• Дубраўскі раён , Radzima.org