Joseph Goebbels
Si Paul Joseph Goebbels (pronounced [ˈpaʊ̯l ˈjoːzɛf ˈɡœbl̩s] (
dangogon); 29 Oktobre 1897 – 1 Mayo 1945) sarong Aleman na Nazi'ng politiko na Gauleiter (distritong lider) nin Berlin, mayor na propagandista para sa Partido Nazi, dangan Reich Ministro nin Propaganda poon 1933 abot 1945. Siya an saro sa pinakaugos na alipores ni Adolf Hitler, bantog kan saiyang talento sa pagdiskurso asin kan hararom na antisemitismo, na hayag na hayag sa saiyang mga opinion. Siya pigtutulod an mas higot na diskriminasyon, pati na an pagpuho' sa mga Hudyo sa Holukosto.
| Joseph Goebbels | |||
|---|---|---|---|
| |||
| Pitik ni Heinrich Hoffmann, 1933 | |||
| Chancellor of Germany | |||
| Termino 30 Abril 1945 – 1 Mayo 1945 | |||
| President | Karl Dönitz | ||
| Suminunod ki | Adolf Hitler | ||
| Sinundan ni | Lutz Schwerin von Krosigk (as Leading Minister)[1] | ||
| Reich Plenipotentiary for the Total War Effort | |||
| Termino 23 Hulyo 1944 – 1 May 1945 | |||
| Chancellor | Adolf Hitler (1934–1945) | ||
| Suminunod ki | Office established | ||
| Sinundan ni | Office abolished | ||
| Reichsminister of Public Enlightenment and Propaganda | |||
| Termino 14 Marso 1933 – 30 Abril 1945 | |||
| Chancellor | Adolf Hitler | ||
| Suminunod ki | Office established | ||
| Sinundan ni | Werner Naumann | ||
| Stadtpräsident of Berlin | |||
| Termino 7 Abril 1944 – 1 Mayo 1945 | |||
| Suminunod ki | Ludwig Steeg | ||
| Sinundan ni | Office abolished | ||
| Reichsleiter | |||
| Termino 2 Hunyo 1933 – 1 Mayo 1945 | |||
| Führer | Adolf Hitler | ||
| Gauleiter of Berlin | |||
| Termino 26 Oktobre 1926 – 1 Mayo 1945 | |||
| Führer | Adolf Hitler | ||
| Suminunod ki | Ernst Schlange | ||
| Sinundan ni | Office abolished | ||
| Personal na mga detalye | |||
| Kamundagan | Paul Joseph Goebbels 29 Oktobre 1897 Rheydt, Kingdom of Prussia, German Empire (now Germany) | ||
| Kagadanan | 1 Mayo 1945 (edad 47) Berlin, Nazi Germany | ||
| Partido politikal | Nazi Party (1924–1945) | ||
| Mga aki | Goebbels children | ||
| Alma mater | |||
| Kasibotan |
| ||
| Lagda | 
| ||
| |||
| ^ Formally titled "Leading Minister" or "Chief Minister" (Leitender Minister) | |||
Si Goebbels, na nagmawot magin sarong autor, nagkamit nin doktorado sa pilologo sa University of Heidelberg kan 1921. Siya nag'ayon sa Partido Nazi kan 1924, asin kadamay sa trabaho ni Gregor Strasser sa sangang amihanan. Siya nanombrahan Gauleiter nin Berlin kan 1926, kun saen siya nagkainteres sa pag'usar nin propaganda sa pag'usol kan partido asin mga programa kaini. Kan magsakat na sa poder si Hitler kan 1933, an Ministriya sa Propaganda ni Goebbels madaling nakontrol asin nagkaimpluwensya sa news media, arte, asin impormasyon sa Alemanyang Nazi. Siya mahusay nanggad sa paggamit kan radyo asin pelikula para sa propagandang katuyohan. Mga ulayon sa propaganda nin partido yaon an antisemitismo, pag'atake sa mga simbahan Kristiyano, asin (pagpoon kan Ikaduwang Gerang Pankinaban), mga pagngata' mapakusog an boot kan mga Aleman.
Kan 1943, si Goebbels pinipirit na si Hitler na magkaag mga lakdang na maintrodyusir nin "total na gera", kabarali an pagsara kan mga negosyong bakong importante sa gera, pagpalista sa mga babae sa mga patrabaho, asin an pagbali sa mga lalaki sa dati dai kabaling mga okupasyon sa Wehrmacht. Si Hitler pinagnombrahan siya bilang Reich Plenipotentiary for Total War kan 23 Hulyo 1944, kun saen si Goebbels nagpasunod mga lakdang na dai man ngani nag'asba sa pagpadakul kan bilang nin mga tawo sa paggibo nin mga armas sa pabrika asin pag'imbwelto sa Wehrmacht.
Kan an gera patapos na, asin an Alemanyang Nazi nag'aatubang na nin kadaogan, si Magda Goebbels asin mga aking Goebbels nag'isog sa Berlin makasaro' si Hitler. Nagpaili sinda sa irarom na Vorbunker, parte kan ki Hitler na bunker complex, kan 22 Abril 1945. Si Hitler naghugot kan 30 Abril. Susog sa kabo'tan ni Hitler, si Goebbels iyo an magsalida saiya komo Chancellor of Germany; si Goebbels nagserbi nin sarong aldaw sa pwesto. Sunod na aldaw, si Goebbels asin saiyang agom naghugot pakatapos hilohon ninda an anom na aki ninda nin cyanide.
Kaamayi nin buhay asin pamilya
baguhonSi Paul Joseph Goebbels namundagm kan 29 Oktobre 1897 sa Rheydt, sarong banwaan industrial sa bandang habagatan nin Mönchengladbach haraning Düsseldorf, Alemanya.[1] Kapwa saiyang mga magurang mga Katoliko Romano na simple sana pagbuhay.[1] An ama niyang si Fritz sarong Aleman na trabahador sa pabrika; an ina niyang si Katharina Maria (née Odenhausen) namundag sa mga dugong Olandes asin Aleman duman sa baryong Olandes harani sa pagdolonan sa Alemanya.[2][3] Si Goebbels igwang limang tugang: Konrad (1893–1949), Hans (1895–1947), Maria (1896–1896), Elisabeth (1901–1915), asin Maria (1910–1949),[1] na nakaagom sa parapelikulang Aleman na si Max W. Kimmich kan 1938.[4] Kan 1932, si Goebbels nagkontrata sa sarong publikasyon na ipahimutik an mga huringhuding na an saiyang maternal na lola igwang dugong Hudyo.[5]
Toltolan
baguhon- ↑ 1.0 1.1 1.2 Longerich 2015, p. 5.
- ↑ Manvell & Fraenkel 2010, p. 2, 299.
- ↑ Reuth 1994, p. 339.
- ↑ Hull 1969, p. 149.
- ↑ Manvell & Fraenkel 2010, p. 299.
