Кеворкова Надежда Витальевна
Надежда Витальевна Кеворкова (тыуған датаһы һәм урыны: 25 октябрь 1958 йыл, Мәскәү) — Рәсәй журналисы һәм яҙыусыһы.
| Надежда Кеворкова | |
| Тыуған көнө | |
|---|---|
| Гражданлығы | |
| Эшмәкәрлеге | |
| Тормош иптәше | |
| Балалары | |
| Сайт | |
Биография
үҙгәртергәНадежда Кеворкова 1958 йылдың 25 октябрендә Мәскәү ҡалаһында тыуған, Мәскәү дәүләт университетының тарих факультетын уңышлы тамамлаған[1]. Үҙ хәтирәләре буйынса, журналистикаға 1988 йылда Александр Огородников менән танышҡандан һуң килә, уның менән бергә «Бюллетень христианской общественности» альманын, ә һуңынан «Вестник христианской демократии» гәзитен сығара башлай. 1992 йылдан «Радонеж» православие гимназияһында эшләй[1].
1997-2002 йылдарҙа «НГ Религии» гәзитенең даими күҙәтеүсеһе[1]. 1998 йылда АҠШ-та «Независимая газета»-ның махсус хәбәрсеһе була. Ливанда, Афғанстанда, Пакистанда, Иранда, Ираҡта, Төркиәлә, Суданда, Сүриәлә, Ғәззәлә һәм Төньяҡ Кавказда репортер булып эшләй[1].
Russia Today күҙәтеүсеһе, «Независимая газета», «Новая газета», «Газета», «Огонек», «Русский Newsweek» һәм башҡа киң мәғлүмәт сараларында мәҡәләләр авторы[1]. Православие һәм хәҙерге донъялағы дин тураһында бик күп мәҡәләләр авторы[1]. Шулай уҡ Кеворкова «Ҙур Рәсәй энциклопедияһы» өсөн бер нисә мәҡәлә яҙа.
«Урыҫ әҙәбиәтенең йыһат��» документаль сериалы авторы һәм алып барыусыһы.
2010 йылда International Women of Courage премияһына тәҡдим ителә.
2024 йылдың майында терроризмды аҡлауҙа ғәйепләнеп ҡулға алына (РФ Енәйәт кодексының 205.2-се статьяһының 2-се өлөшө). Енәйәттең составын уның 2018 йылда шәхси телеграм-каналында хеҙмәттәше һәм дуҫы Орхан Джемалдың (Үҙәк Африка Республикаһында үлтереп һалтылар) тексын, шулай уҡ 2021 йылда «Талибан»ға бәйле икенсе яҙмаһын килтереп күрһәткән[2].
Ғаилә
үҙгәртергәУлы — журналист Василий Полонский. 2022 йылдың февраленә тиклем «Дождь» телеканалында эшләй, ә ул ябылғандан һуң «Живой гвоздь» youtube-каналында эшләй.
Элекке ире — журналист һәм сәйәсмән Максим Шевченко (1966 йылда тыуған)[3].
Һайланма библиография
үҙгәртергә- Палестина. Сопротивление. — М.: Сам Полиграфист, 2013. — 220 с. — ISBN 978-5-00077-037-5.
- Если я забуду тебя, Иерусалим. — М.: Перо, 2017. — 199 с. — ISBN 978-5-906961-85-3. — 3000 экз.
Иҫкәрмәләр
үҙгәртергә- ↑ 1,0 1,1 1,2 1,3 1,4 1,5 Надежда Кеворкова: Сиркәү журналистикаға мохтаж түгел! 2020 йыл 2 декабрь архивланған. // Православие и мир, 02.10.2010
- ↑ Журналистку Кеворкову арестовали по делу об оправдании терроризма // РБК, 07.05.2024
- ↑ Шевченконың ҡатыны: ЦАХАЛ йәһүд булмағандары фәләстиндәрҙе күрә алмай. Дата обращения: 14 октябрь 2015. Архивировано 4 март 2016 года.