Darıdağ mərgümüş yatağı
(Darrıdağ mərgümüş yatağı səhifəsindən yönləndirilmişdir)
| Darıdağ mərgümüş yatağı | |
|---|---|
 |
Darrıdağ mərgümüş yatağı — Naxçıvan MR-də, Culfa şəhərindən şimal-şərqdə, Darrıdağın qərb yamacında, eyniadlı mərgümüş-karbonatlı bulaqdan təqribən şimal-qərbdə yerləşən, sahəsinə görə Azərbaycanın ən iri mərgümüş yatağı.
Filiz cismi Darrıdağ antiklinal qırışığını əmələ gətirən qumdaşlı-gilli paleosen çöküntülərində inkişaf etmiş qırılma pozulmaları ilə əlaqədədir. Əsas filiz mineralı realqar, sonra auripiqment, eyni zamanda, melnikovit, daha seyrək pirit, arsenopirit, qeyri-filizlərdən — kalsit, kvars, araqonit və gipsdir. Mərgümüşün miqdarı filizdə 1%-dən bir neçə 10% arasında dəyişir, lağım nümunələrində isə 50-60%-ə çatır.
Mənbə
[redaktə | mənbəni redaktə et]- Azərbaycan Respublikasının geoloji irsi. Bakı: Nafta-Press, 2013.