Otar Pasasiya
Otar Pasasiya (gürc. ოთარ ფაცაცია; 15 may 1929 – 9 dekabr 2021[1], Tbilisi)[3] — 20 avqust 1993-cü ildən 1995-ci il oktyabrın 5-dək Gürcüstanın baş naziri vəzifəsini icra edən gürcü siyasətçi.
| Otar Pasasiya | |
|---|---|
| gürc. ოთარ ფაცაცია | |
| 20 avqust 1993 – 5 oktyabr 1995 | |
| Əvvəlki | Tengiz Siqua |
| Şəxsi məlumatlar | |
| Doğum tarixi | 15 may 1929 |
| Vəfat tarixi | 9 dekabr 2021[1] (92 yaşında) |
| Vəfat yeri | |
| Vəfat səbəbi | COVID-19[2] |
| Təhsili |
|
| Fəaliyyəti | siyasətçi |
Keçmiş kommunist bürokratı və müəssisə meneceri olan Pasasiya vətəndaş müharibəsi və iqtisadi böhran illərində Gürcüstanın dövlət başçısı kimi Eduard Şevardnadze ilə birlikdə Gürcüstan kabinetinə rəhbərlik edirdi. Baş nazir təyin edilməsi 1992-ci ildə hərbi çevrilişlə endirilən prezident Zviad Qamsaxurdiya tərəfdarlarını sakitləşdirmək cəhdi idi, çünki Pasasiya Qamsaxurdiyanın əsas sosyal bazasını təşkil edən Zuqdidindən idi.[4] 1995-ci ildən 1999-cu ilə qədər Gürcüstan parlamentində millət vəkili vəzifəsini tutsa da, o zamandan bəri siyasətdə heç bir rol oynamayıb.
Həyatı və karyerası
redaktəPasasiya Gürcüstan SSR Zuqdidi rayonunun İnqiri kəndində, Ambako Pasasiya və Luba Pasasiya ailəsində anadan olmuşdur. Leninqrad Texnologiya İnstitutunda mühəndis kimi təhsil alan Otar Pasasiya 1955-ci ildən 1965-ci ildə vəzifəsindən azad olunana qədər yerli Kommunist Partiyası Komitəsinin birinci katibi kimi fəaliyyət göstərərək, Zuqdidi şəhərində kommunist partiyasının funksioneri oldu. Sovet İttifaqının son illərində, 1989–1990-cı illərdə Sovet Xalq Deputatı seçildi və Sosialist Əməyi Qəhrəmanı adına layiq görüldü.[5]
Müstəqil Gürcüstandakı siyasi karyerası
redaktə1992-ci ildə Eduard Şevardnadze — Prezident Zviad Qamsaxurdiyanın zorla devirilməsindən qısa müddət sonra Gürcüstanın Dövlət Başçısı olmuş veteran sovet siyasətçisi — Pasasiyanı Zuqdidi rayon administrasiyasının başçısı təyin etdi.[5] Zuqdidi Qamsaxurdia sadiqlərinin — tez-tez əllərinə silah alaraq yeni rejimə və onun intizamsız hərbçilərinə müqavimətlərini davam etdirən "Zviadistlər"-in — əsas güc bazası idi. Şevardnadzenin yerli icma ilə geniş əlaqələri olan Pasasiyanı Zuqdidiyə təyin etməsi Qamsaxurdiyanın tərəfdarlarını sakitləşdirmək cəhdi idi.[4]
5 avqust 1993-cü ildə Tengiz Siqua hökumətinin dağılmasından sonra Şevardnadze Passassyanı yeni baş nazir vəzifəsinə namizəd göstərdi. 20 avqust 1993-cü ildə parlamentdə təsdiqini aldı. 7 sentyabr 1993-cü ildə kabineti dəyişdirərək vəzifəsini qorudu.[4] Pasasiyanın hakimiyyətdə olduğu iki il getdikcə xaotik siyasi mühit, şiddətli güc mübarizələri, Abxaziyadakı separatçı müharibədəki hərbi geriləmə, Rusiya ilə hərbi müqavilələr, Qamsaxurdia tərəfdar qüvvələri ilə genişmiqyaslı vətəndaş müharibəsi və mübahisəli iqtisadi və ciddi iqtisadi böhranla yadda qaldı. O, islahatlar aparmadı və onun iqtisadi inkişafa, məsələn, özəlləşdirməyə konservativ baxışı var idi.[6] Pasasiya 5 oktyabr 1995-ci ildə Zuqdidinin partiyasız bir namizədi kimi iştirak etdiyi və növbəti dörd il üçün majoritar yer qazandığı parlament seçkilərində iştirak etmək üçün istefa verdi.[7]
İstinadlar
redaktə- ↑ 1 2 http://www.nplg.gov.ge/bios/ka/00017345/.
- ↑ ოთარ ფაცაცია.
- ↑ "Profile of Otar Patsatsia". 2021-12-30 tarixində arxivləşdirilib. İstifadə tarixi: 2019-10-25.
- ↑ 1 2 3 Wheatley, Jonathan (2005), Georgia from National Awakening to Rose Revolution, pp. 77, 82, 100. Ashgate Publishing, Ltd., ISBN 0-7546-4503-7
- ↑ 1 2 "Otar Patsatsia", in: The International Who's Who 2004, p. 1293. Routledge, ISBN 1-85743-217-7
- ↑ Dawisha, Karen & Parrott, Bruce (1997), Conflict, cleavage, and change in Central Asia and the Caucasus, p. 189. Cambridge University Press, ISBN 0-521-59731-5
- ↑ Patsatsia Otar Arxivləşdirilib 2012-03-14 at the Wayback Machine. The Parliament of Georgia, 1995–1999. Retrieved on April 9, 2011