Los Angeles

Los Angeles
bandera de Los Ángeles (es)
Alministración
País	Estaos Xuníos
Estaos	California
Condáu	condáu de Los Angeles
Tipu d'entidá	ciudad chárter (es)
Alcaldesa de Los Angeles	Karen Bass
Nome oficial	City of Los Angeles (en)
Nome llocal	El Pueblo de Nuestra Señora la Reina de los Ángeles del Río de Porciúncula (es)
Nomatu	City of Angels (en); La-la-land (en); Tinseltown (en)
Códigu postal	90001–90068, 90070–90084, 90086–90089, 90091, 90093–90097, 90099, 90101–90103, 90174, 90185, 90189, 90291–90293, 91040–91043, 91303–91308, 91342–91349, 91352–91353, 91356–91357, 91364–91367, 91401–91499 y 91601–91609
Xeografía
Coordenaes	34°06′N 118°12′W / 34.1°N 118.2°O
	Los Angeles Los Angeles (los EE.XX.)
Superficie	1302.15171 km²
Altitú	106 m
Llenda con	Lomita, Compton (es) , Huntington Park (es) , Este de Los Ángeles (es) , Willowbrook (es) , Alhambra (es) , South Pasadena (es) , Monterey, Pasadena, Glendale, Burbank, San Fernando (es) , Hidden Hills (es) , El Segundo (es) , Santa Monica, West Hollywood (es) , Inglewood, Long Beach, Torrance, West Athens (es) , Carson (es) , San Pedro (es) , Gardena (es) , Culver City, Beverly Hills, Ladera Heights (es) , Westmont (es) , West Carson (es) , Calabasas, Lynwood, Monterey Park (es) , Montebello (es) y Vernon (es)
Demografía
Población	3 898 747 hab. (1r abril 2020)
Porcentaxe	38.93% de condáu de Los Angeles
Densidá	2994,08 hab/km²
Viviendes	1 402 522 (31 avientu 2020)
Más información
Fundación	4 setiembre 1781
Prefixu telefónicu	213, 310, 424, 323, 747 y 818
Estaya horaria	UTC−08:00 (horariu estándar); Tiempu del Pacíficu ; UTC−07:00 (horariu de branu)
Llocalidaes hermaniaes	Berlín, Mumbai, Nagoya, Eilat, Burdeos, Lusaka, Ciudá de Méxicu, Teḥrán, Taipéi, Cantón, Atenes, San Petersburgu, Vancouver, Guiza, Xakarta, Kaunas, Macati (es) , Split, Beirut, Salvador, Londres, Montreal, Yereván, Ámsterdam, Busan, Manchester, Podgorica, Auckland, Isquia (es) , Asdod, Auckland City (en) , Santa Maria degli Angeli (es) , Los Mochis (es) , Tijuana, Manila y Dubái
	lacity.gov

Los Angeles, oficialmente City of Los Angeles y a la qu'aveza nomase poles sos iniciales L.A., ye la segunda mayor ciudá de los Estaos Xuníos, tres de Nueva York, y la mayor del estáu de California, y ye la sede del condáu homónimu. Asitiada nel sur de California, Los Angeles ye conocida pol so bon clima, pola so trama urbana perdispersa y por ser ún de los principales centros de la industria d'Estaos Xuníos del entretenimientu. La ciudá asitiase nuna depresión averada al océanu y arrodiada per trés cadenes montañoses d'un altor d'alredor 3000 m.

Los terrenos aú s'asienta yeren l'hogar de los Chumash y los Tongva primero de qu'aportaran los españoles. Juan Rodríguez Cabrillo reclamó estes tierres pa España, xunto col restu del territoriu qu'habría ser l'Alta California, en 1542. La fundación oficial de la ciudá, de manes del gobernador Felipe de Neve, remóntase al 4 de setiembre de 1781. La ciudá convirtióse en 1821, tres de la guerra mexicana d'independencia, nuna parte del primer imperiu mexicanu. Al final de la guerra mexicano-americana, en 1848, tolo qu'anguaño ye California pasó, pol tratáu de Guadalupe Hidalgo, a manes de los Estaos Xuníos. Los Angeles algamó l'estatus de municipiu incorporáu el 4 d'abril de 1850, cinco meses primero de que California convirtiérase nún estáu. La ciudá conoció un rápidu crecimientu poco dempués, tres de descubrise xacimientos de petroleu.

La ciudá ye'l centru del área metropolitana de Los Angeles y de la rexón del Gran Los Angeles, nes que viven 13^[3] y 18 millones respeutivamente. Esto fai d'ella una de les mayores árees metropolitanes del mundu, arriendes de ser la segunda mayor del país. El condáu de Los Angeles, del que la ciudá ye sé, ye'l más pobláu de los Estaos Xuníos. Los habitantes de so reciben el nome d'anxelinos.

La ciudá, conocida col nomatu de "City of Angels", ye una ciudá global con una economía perdiversificada: entretenimientu, cultura, medios de comunicación, moda, ciencia, deportes, teunoloxía, educación, medicina ya investigación son dalgunos de los sectores económicos importantes de la ciudá. Ye la sesta del mundu nel ránking de ciudaes globales (Global Cities Index 2016)^[4], y ún de los principales motores económicos del país en munchos sectores productivos. La ciudá abarca'l barriu de Hollywood, y ye la ciudá más importante del mundu na creación de productos televisivos, videoxuegos y na industria musical, amás de ser ún de los principales centros de producción cinematográfica. La ciudá acoyó los Xuegos Olímpicos de veranu de 1932 y 1984, y tien presentada la so candidatura pa los de 2024.