Velocidá

La velocidá media o velocidá permediu informa sobro la velocidá nun intervalu dau. Calcúlase dixebrando el desplazamientu (Δx) (Δ=delta) pel tiempu trescurríu (Δt):

${\displaystyle {\vec {v}}={\frac {\Delta {\vec {x}}}{\Delta t}}={\frac {{\vec {x}}_{f}-{\vec {x}}_{i}}{t_{f}-t_{i}}}}$ 

Por exemplu, si un oxetu tien recorrío una distancia de 1 metru nun lapsu de 31,63 segundos, el módulu de la so velocidá media ye:

${\displaystyle {\vec {v}}={\frac {\Delta {\vec {x}}}{\Delta t}}={\frac {{\vec {x}}_{f}-{\vec {x}}_{i}}{t_{f}-t_{i}}}={\frac {1(m)-0(m)}{31,63(s)-0(s)}}={\frac {1(m)}{31,63(s)}}={0.0316(m/s)}}$ 

Al módulu de la velocidá denómase-y rapidez.

Permite conocer la velocidá d'un móvil que se desplaza sobro una trayeutoria, cuando'l lapsu de tiempu ye infinitamente pequeñu, siendo entós l'espaciu recorríu tamién enforma pequeñu, representando un puntu de la trayeutoria.

${\displaystyle {\vec {v}}=\lim _{\Delta t\to 0}{\frac {\Delta s}{\Delta t}}={\frac {d{s}}{dt}}}$ 

En mena vectorial, la velocidá ye la derivada del vector posición respeutu del tiempu:

${\displaystyle {\vec {v}}={\frac {ds}{dt}}\ {\vec {u}}_{t}={\frac {d{\vec {r}}}{dt}}}$ 

au ${\displaystyle {\vec {u}}_{t}}$  ye un versor (vector de módulu unidá) de direición tanxente a la trayeutoria de cuerpu en cuestión y ${\displaystyle {\vec {r}}}$  ye'l vector posición, darréu que nel llímite, los diferenciales d'espaciu recorríu y posición coinciden.

• Metru por segundu (m/s), unidá de velocidá del SI
• Quilómetru por hora (km/h) (usu coloquial)
• Quilómetru por segundu (km/s) (usu coloquial)

• Pie por segundu (ft/s), unidá de velocidá del sistema inglés
• Milla por hora (mph) (usu coloquial)
• Milla por segundu (mps) (usu coloquial)

• Nuedu

• Númberu Mach

• Velocidá de la lluz 300.000 km/s
• Warp

• centímetru per segundu (cm/s) unidá de velocidá del sistema ceguesimal

• Aceleración
• Velocidá angular
• Cinemática, velocidá relativa

•   Wikimedia Commons tien conteníu multimedia tocante a Velocidá.