Stercorariidae
Los estercoráridos (Stercorariidae) son una familia d'aves caradriformes conocíes vulgarmente como cágalos[1] o fernandones[2]. Los cágalos tán emparentaos coles gaviluetes, les aves zancudes y les picutisories.
Stercorariidae  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Charadriiformes | |
| Familia: | Stercorariidae | |
| Xéneru: |
Stercorarius Brisson, 1760 | |
| Especies | ||
| Consultes | ||
| [editar datos en Wikidata] | ||
Carauterístiques
editarPolo xeneral, son aves de tamañu mediu a grande, con un plumaxe típicamente gris o marrón, y de cutiu presenten unes manches blanques nes ales. El so picu ye bastante llargu, cola punta curvada, y los sos pies son palmotiaos con garres afilaes. Los cágalos paecen gaviluetes grandes y escures, pero tienen una membrana carnosa o cera sobre'l quexal cimeru que les diferencia d'estes. Son aves fuertes y acrobátiques.
Historia natural
editarSon aves marines que nidifican en rexones templaes y ártiques, y son aves migratories de llarga distancia.
Fora de la dómina de reproducción alimentar de pexes y carroña. Munchos son cleptoparásitos parciales y cacen gaviluetes, charranes y otres aves marines pa roba-yos les sos captures; les especies de mayor tamañu de cutiu maten y aliméntense d'aves adultes, que pueden algamar el tamañu del gavión atlánticu. Nes zones de cría, aliméntense de normal de lemmings, y de güevos y críes d'otres aves.
Taxonomía
editarNes tres especies más pequeñes (toes elles holárticas) les aves reproductives tienen les dos plumes centrales de la cola claramente allargaes y siquier dellos adultos tienen les partes inferiores de color blanco y el pescuezu de color mariello claro, carauterístiques que les especies de mayor tamañu (toes orixinaries del Hemisferiu Sur sacante'l cágalu grande) nun comparten. Poro, los cágalos estrémense de cutiu en dos xéneros: Stercorarius, al que namái pertenecen les especies de menor tamañu, y Catharacta, al que pertenecen les especies de mayor tamañu. Sicasí, nun esiste una base xenética pa esta separación. Ello ye que l'ADN mitocondrial (que s'herieda namái de la madre) del cágalu pomarín y el del cágalu o fernandón presenten más afinidaes ente sí que col del cágalu árticu, el del cágalu rabudu o'l de les especies del Hemisferiu Sur. Con éses la hibridación tien de xugar un papel importante na evolución de la diversidá de los cágalos del Hemisferiu Norte.
Especies
editarConócense siete especies de Stercorarius:[3]
- Stercorarius antarctica - Cágalu pardu
- Stercorarius chilensis - Cágalu chilenu
- Stercorarius longicaudus - Cágalu rabudu
- Stercorarius maccormicki - Cágalu antárticu
- Stercorarius parasiticus - Cágalu árticu
- Stercorarius pomarinus - Cágalu pomarín
- Stercorarius skua - Cágalu o fernandón
Estos cuatro últimes especies clasifíquense dacuando nel xéneru Catharacta.[4]
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: cágalu
- ↑ Esti términu apaez nel Diccionariu de l'Academia de la Llingua Asturiana. Ver: fernandón
- ↑ Zoonomen. «Birds of the World -- current valid scientific avian names.» (inglés). Consultáu'l 27 d'abril de 2009.
- ↑ BirdLife International 2008. Stercorariidae. In: IUCN 2008. 2008 IUCN Red List of Threatened Species
- Harrison, Peter Seabirds: An Identification Guide ISBN 0-7470-1410-8
Enllaces esternos
editar
- Wikimedia Commons tien conteníu multimedia tocante a Stercorariidae.
| Wikispecies tien un artículu sobre Stercorariidae. |