Insulina
Etimoloxía: Del llatín insula ('islla').
| Insulina | |
|---|---|
complejo proteico (es)  , melecina, medicamento biológico (es) , hexámero (es) y Hormona peptídica (es) | |
 | |
 |
Hormona polipeptídica de 51 aminoácidos segregada poles célules beta de los isllotes de Langerhans del páncrees, qu'intervién nel metabolismu enerxéticu.
La so escosera provoca la diabetes mellitus y el so escesu un hiperinsulinismu con hipoglucemia.
Historia
editarFoi descubierta per primer vegada nel 1921 por Frederick Grant Banting, Charles Best, John James Richard Macleod y James Collip. Por esti motivu recibieron el Premiu Nobel en Fisioloxía o Medicina nel 1923. Pero la so estructura completa nun se descubrió fasta'l 1955 gracies a los trabayos de Frederick Sanger.
Estructura
editarLa insulina ta formada por dos cadenes: la cadena A (de 21 aminoácidos) y la cadena B (de 30 aminoácidos), xuníes covalentemente por dos enllaces disulfuru. La cadena A tien otru enllaz disulfuru que xune dos de los sos aminoácidos.
Tien un pesu molecular de 5,8 kDa.
Síntesis
editar
2. Plegamientu espontaneu
3. Cadenes A y B xuníes por enllaces disulfuru
4. Perda de secuencia señal L (proinsulina) y del péptidu C
5. Insulina
El precursor d'esta molécula ye la proinsulina, una cadena polipeptídica que tien na so secuencia les dos cadenes A y B, xuníes ente sigo por una secuencia de 33 aminoácidos que se conoz col nome de péptidu C. Sicasí, la cadena polipeptídica ñaciente orixinal (preproinsulina) tien a lo cabero'l so estremu amino-terminal un 19 aminoácidos más que constitúin la secuencia señal pa empobinar la cadena haza'l retículu endoplásmicu. Una vegada ellí pierde la secuencia señal y tresfórmase yá en proinsulina, que ye tresportada al aparatu de Golgi y depués a los gránulos de secreción, onde un enzima proteolíticu quíta-y el péptidu C a la cadena, quedando yá la insulina nos gránulos preparada pa la so secreción.
Funciones
editarEn términos xenerales, la insulina estimula procesos anabólicos y inhibe procesos catabólicos nel fégadu, músculu y texíu adiposu.
- Estimulación de procesos anabólicos
- Aumenta la síntesis de glucóxenu, ácidos grasos y proteínes
- Activa la glicolisis, polo que la insulina induz la formación de monómeros pa la síntesis de macromolécules
- Promueve la entrada de glucosa, d'otros zucres y d'aminoácidos, nes célules musculares y adiposes. Ésta ye la razón pola que la insulina disminúi'l nivel de glucosa en sangre
- Inhibición de procesos catabólicos
- Disminúi la degradación del glucóxenu y de la grasa
- Disminúi la gluconeoxénesis rebaxando'l nivel d'enzimes como la piruvato carboxilasa y la fructosa-1,6-bisfosfatasa
Referencies
editarEnllaces esternos
editar
- Wikimedia Commons tien conteníu multimedia tocante a Insulina.