فى سنة 1228 طلع فريدريك التانى امبراطور الامبراطوريه الرومانيه المقدسه على راس حمله صليبيه صغيرة بتتكون من 600 فارس بس - و ده بيبين إنه ما كانش ناوى يحارب بجد - ونزل عكا ، فبعت له الملك الكامل رسوله " فخر الدين يوسف بن الشيخ " عشان يتفاوض معاه .
[1]
[2]
فى 18 فبراير 1229 إتوقعت معاهدة سلام مدتها عشر سنين بين الملك الكامل و فريدريك ( معاهدة فردريك - الكامل )، بتقضى بتسليم بيت المقدس و بيت لحم و الناصره لفردريك بشرط إن الصليبيين فى بيت المقدس ما يبنوش حصون و لا قلاع، و أن منطقة الجامع الاقصى تبقى فى إيد المسلمين، و إن فردريك يتعهد بمحالفة الملك الكامل ضد كل مناوئيه لحد لو كانو صليبيين ، و إن فردريك يضمن منع وصول اى امدادات صليبيه للإمارتين الصليبيتين انطاكيا و طرابلس.[3] وفى 17 مارس 1229 دخل فردريك التانى بيت المقدس فى حماية قواته الألمانيه و الايطاليه، وسلمه " شمس الدين " قاضى نابلس مفتاح المدينة بالنيابه عن السلطان الكامل .[4] و هاج المسلمين و الصليبيين. وراح الواعظ والمؤرخ "سبط بن الجوزي" يشهر بالملك الكامل فى دمشق، ورفض الصليبيين التعاون مع فردريك بإعتباره مسالم للمسلمين ، و بره عن الكنيسه الكاتوليكيه و محروم منها عن طريق جريجورى التاسع بابا الكنيسه الكاتوليكيه [5]
- ↑ الشيال، 2/90-89
- ↑ Amin Maalouf p.226
- ↑ Runciman p.187/3
- ↑ Amin Maalouf p.229
- ↑ الشيال،2/90
- ابن إياس: بدائع الزهور فى وقائع الدهور (6 مجلدات), تحقيق محمد مصطفى، الهيئة المصرية العامة للكتاب، القاهرة.
- ابو بكر بن عبد الله بن أيبك الدوادارى : كنز الدرر وجامع الغرر، مصادر تأريخ مصر الاسلامية ،المعهد الألمانى للآثار الاسلامية، القاهرة 1971.
- ابن تغرى: النجوم الزاهرة فى ملوك مصر و القاهرة، دار الكتب و الوثائق القومية، مركز تحقيق التراث، القاهرة 2005
- ابن كثير ، البداية والنهاية، (15 جزء)، دار صادر ، بيروت 2005، ISBN 9953-13-143-0
- ابن واصل مفرج القلوب فى أخبار بنى أيوب ( 4 مجلدات )، دار الفكر العربي، القاهرة.
- بدر الدين العينى: عقائد الجمان فى تاريخ اهل الزمان، تحقيق د. محمد محمد امين، مركز تحقيق التراث،الهيئة المصرية للكتاب، القاهرة 1987.
- بيبرس الدوادار: زبدة الفكرة فى تاريخ الهجرة، جمعية المستشرقين الألمانية، الشركة المتحدة للتوزيع، بيروت 1998.
- جمال الدين الشيال (استاذ التاريخ الاسلامي): تاريخ مصر الاسلامية، دار المعارف، القاهرة 1966.
- المقريزى : السلوك لمعرفة دول الملوك ، دار الكتب، القاهرة 1996.
- نور الدين خليل: شجرة الدر، حورس للنشر والتوزيع، الاسكندرية 2005، ISBN 977-5245-43-5
- شفيق مهدى ( دكتور) : مماليك مصر والشام، الدار العربية للموسوعات، بيروت 2008.
- عز الدين بن شداد : تاريخ الملك الظاهر، دار نشر فرانز شتاينر، فيسبادن 1983.
- قاسم عبده قاسم (دكتور) : عصر سلاطين المماليك - التاريخ السياسى والاجتماعي، عين للدراسات الانسانية والاجتماعية، القاهرة 2007.
- Amin Maalouf, The Crusades Through Arab Eyes, Schocken books Inc, new York 1984
- Runciman, Steven, A history of the Crusades 3. Penguin Books, 1987
