Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Deportivo Aragón (en aragonésEsportivo Aragón) ye un club de fútbolaragonés d'a ciudat de Zaragoza, y equipo filial d'o Real Zaragoza. Orichinalment establiu en 1958 como Real Zaragoza Club Deportivo Aficionados, actualment chuga en a Segunda Federación (Grupo III).
Estando a Unión Deportiva Amistad filial d'o Real Zaragoza Club Deportivo, os dirichents d'o club manyo deciden fundar un nuevo club denominau Real Zaragoza Club Deportivo Aficionados en 1958, aproveitando a excelent promoción que recientment remataba de sobrepasar a edad chuvenil. Entrenaus por o exchugador blanquillo Juan Jugo Larrauri consiguen puyar ta Tercera división. En ista categoría y dadas as normas federativas no podeban coexistir dos clubs con a mesma denominación estando que o Real Zaragoza se trovaba en Primera, por o que o club se veye obligau a cambear o suyo nombre, adoptando o nuevo de Juventud Club de Fútbol y cambeando a color d'o suyo pantalón azul per uno royo. En istas anyadas se consigue unas buenas posicions, estando Subcampión en a temporada 1961/62 dezaga o CD Numancia, feito que le permite promocionar ta o ascenso ta Segunda división cayendo escalificau en a primera eliminatoria por o CD Alcoyano. Desafortunadament, dimpués de tan buena enguerada os dirichents d'o Real Zaragoza deciden prescindir d'o filial y dedicarse plenament t'a primera plantilla, por o que queda sin filial anque conserva a suya plaza per una posible tornada.
Escudo d'o Deportivo Aragón.
En o verano de 1964 a UD Amistad ye disuelta y os suyos dereitos federativos son utilizados por o Real Zaragoza CD fendo uso d'a suya plaza reservada, asinas o Juventud CF pasa a decir-se Club Deportivo Aragón vistiendo camiseta blanca con una colunna vertical amostrando os colors d'Aragón en o canto ezquierdo, y pantalón y calzas blancas. Una vegada rematada a temporada 1965/66 pasa a clamar-se Aragón Club de Fútbol y adopta como equipación a camiseta azul y o pantalón blanco. Mientres a campanya 1966/67, ye Subcampión y chuga a promoción ta puyar a Segunda cayendo en a final ante o Burgos CF. En a siguient temporada repite puesto en a liga, y ye eliminau en a promoción por o CD Almería. Per a campanya 1969/70 no supera o corte establito por a RFEF ta continar en Tercera división y desciende a Rechional preferent, categoría que albandona inmediatament puyando como campión, con o nuevo nombre de Deportivo Aragón. Denominación bien conoixida por os aficionaus y con a que mas logros conseguirá o club. Fa parti de diez edicions d'a Copa d'o Rei mientres ista etapa, consigue dos sozcampionatos d'a Segunda división B, antimás de fer a suya enguerada (y unica campaya) en Segunda. Escomencipiaus os anyos novanta, concretament dende a temporada 1991/92 o club será denominau Real Zaragoza B, feito motivau per a nueva Lei d'o Esporte 10/1990, que obligaba a os clubs profesionals a transformar-sen en Sociedaz Anonimas Esportivas y provocando que os clubs filials desparixieran como clubs independients y fueran asimiliaus per os clubs profesionals, quedando integraus en a suya estructura. En 2013 se conixe o cambeo ta Real Zaragoza Deportivo Aragón aprobau por l'anterior directiva,[2] anque no i será ratificado por a nueva directiva en primerías. A la fin, en o verano de 2015 ye aprobau definitivament o cambeo de nombre por a RFEF a petición de l'actual directiva.[3]
Fundación Zaragoza 2032
Miguel Torrecilla
_pictogram.svg){kind=link}
