Pastenco

Pastenco^[1] ye a parola con a que se designa especificament o corder desvezau, que ya ha gustau a pastura. Ye o estadío de creiximiento siguient a o ternasco^[2] y l'anterior a l'anyal.

Tradicionalment, en a ganadería transhuman aragonesa, i heba dos categorías de corders pastencos:

• Os que se vendeba con d'entre 120 y 150 días^[3] (4 u 5 meses) d'edat, cuan feban arredol de 25 u 30 kg, y pillaba en a val d'Ebro en abril u mayo, chusto antes de que os rabanyos comenzasen a rota cara ta puerto. Istos corders heban aprofitau a pastura d'a Tierra Plana, de finals de l'hibierno, y se vendeban en os propios lugars d'a zona.^[3]
• Os que se vendeba con d'entre 6 y 8 meses d'edat y mas de 30 kg, de regular ya en a montanya altoaragonesa.^[3] Istos corders heban arribau a pasturar en as estivas montanyesas, y se vendeban u mataban d'entre mayo y setiembre.^[3]