Maronins
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Maronins الموارنة / ܡܪ̈ܘܢܝܐ | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
|
| ||||||||||||||||||
| ||||||||||||||||||
| Arabe y arameu | ||||||||||||||||||
| Cristianismo maronín | ||||||||||||||||||
| sirians, chodigos, asirianos cristianos, samaritanos | ||||||||||||||||||
.svg){kind=small}
Os maronins (arameu ܡܪ̈ܘܢܝܐ, en arabe الموارنة) son un pueblo cristiano d'o Mont de Liban con una important diaspora. Parlan arabe, arameu y francés.
Os principals baluarts maronins son en as rechions montanyosas de Matn, Xuf y Kisruan. Tamién bi n'ha muitos en Beirut. Bi ha una important diaspora en America y en l'Africa Negra, (por eixemplo en Senegal e Nicheria), e uns pocos en Siria, Israel (sobre tot en Galilea), y Chipre.
Sociedat
editarA sociedat tradicional maronina tien caracters feudals y una división en clans que pueden convertir-se en grupos comparables a las mafias italianas. Os clans mayors son os Franji, Edde, Khoury, Chamoun y Gemayel. Gemayel teneba una milicia dita Falanche u Katay-yab, que dende 1979 se deciba "Fuerzas Libanesas".
Os maronins actualment son mayoritariament habitants de ciudaz.
Relichión
editarOs maronins son seguidors de Sant Marón, que ye considerato o fundador oficial d'esta comunidat relichiosa enta o sieglo V. En un tiempo que os cristianos de Siria yeran dividitos entre monofisistas y melquitas os maronins se facioron adeptos d'una formula de compromís dita monotelismo. En tiempos d'as Cruzatas (1216), os maronins aceptoron l'autoridat de Roma. Os maronins fan servir l'arameu siriaco como luenga liturchica.
Historia
editarSon procedents d'o Norte de Siria e fuyoron d'a persecución relichiosa a la redolata d'a Foz de Qadixa, (en o norte d'o Mont de Liban. En a Edat Meya facioron liga con os cruzatos. En "La Flor de las Ystorias d'Orient" de Chuan Ferrández d'Heredia los mencionan:
En o sieglo XVIII os maronins desembolicoron una estructura social feudal baixo a dominación parcial d'os drusos. En o periodo que o druso Baxir II (1788-1840) consiguió a independencia restecto a los otomans as guerras entre faccions enfeblioron a los drusos y os maronins creixioron en numero y poder, producindo-se muitas conversions relichiosas a lo cristianismo d'os maronins. En 1841 esclató una guerra etnica entre os drusos e maronins. En 1869 os cristianos se reveloron pa demandar una reforma territorial y esta revuelta fue esclafata producindo-se unas mortaleras que en Xouf significoron 10.000 muertes entre cristianos y drusos. Esto estió enchaquia pa que Francia ninviase o suyo exercito pa protecher a los maronins y imposar un estatuto especial semiautomo en o Mont de Liban dentro de l'Imperio Otomán. A mitat d'os drusos d'o Mont de Liban fuyió ta Siria.
Dende o Mont de Liban muitos maronins emigroron ta Beirut en o sieglo XX creyando-ie una burguesía. En a guerra civil libanesa de fins d'o sieglo XX os maronins pretendeban a partición d'o Liban en cantons confesionals autonomos. Manimenos a fins d'o sieglo XX e principios d'o sieglo XXI han estato forzatos a una cooperación con os ocupants Sirios.
Bibliografía
editar- (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.