Ernst Lubitsch

Ernst Lubitsch
O director cinematografico chermano-estausunidense Ernst Lubitsch
Información personal
Calendata naiximiento:	28 de chinero de 1892
Calendata muerte:	30 de noviembre de 1947
Puesto muerte:	Los Angeles (California, Estaus Unius)
Ocupación:	Actor, director cinematografico, guionista y productor cinematografico
Conchuche:	Helene Kraus (1922-1930) Vivian Gaye (1935-1944)

Ernst Lubitsch, naixiu de Berlín (Imperio Alemán, hue Alemanya) o 28 de chinero de 1892 y muerto en Los Angeles (California, Estaus Unius) o 30 de noviembre de 1947, estió un actor, director cinematografico, guionista y productor cinematografico chermano-estausunidense, activo en o cine alemán dende meyaus d'os anyos 1910 y que dimpués pasó a o cine estausunidense, recibindo cuantos premios mientres a suya carrera cinematografica.

D'entre a suya filmografía como director, cal destacar-ne bellas cintas como Anna Boleyn (1920, con Henny Porten, Emil Jannings y Paul Hartmann), Three Women (1924, con May McAvoy, Pauline Frederick y Marie Prevost), The Love Parade (1929, con Maurice Chevalier, Jeanette MacDonald y Lillian Roth), The Smiling Lieutenant (1931, con Maurice Chevalier, Claudette Colbert y Miriam Hopkins), The Merry Widow (1934, con Maurice Chevalier, Jeanette MacDonald y Edward Everett Horton), Angel (1937, con Marlene Dietrich, Herbert Marshall, Melvyn Douglas, Edward Everett Horton y Laura Hope Crews), Ninotchka (1939, con Greta Garbo, Melvyn Douglas, Ina Claire y Sig Ruman), To Be or Not to Be (1942, con Carole Lombard, Jack Benny, Robert Stack, Felix Bressart y Sig Ruman), u A Royal Scandal (1945, con Tallulah Bankhead, Charles Coburn, Anne Baxter y William Eythe).