Cuerda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre as cuerdas. Ta atros usos de «cuerda» se veiga Cuerda (desambigación).

A cuerda (pronunciau /'kwerda/~/'kwærda/, como "cuerda" u "cuarda" respectivament; d'o latín <CHORDA^[1] ye una ferramienta manual feita de material textil y que s'emplega ta actividaz tan diversas como a caza, a construcción, a navegación, o transporte, os esportes u as comunicacions. As suyas funcions principals son a transmisión y resistencia d'esfuerzos de tracción, y ligar obchectos, tot inmobilizando-los en una posición.

As cuerdas s'elaboran con fibras d'orichen vechetal u sintetica, as menos vegadas con tripa u tendons animals, que s'enreliga fendo-las una trena. Se consideran una d'as ferramientas mas antigas y versátils que s'ha emplegau, y as suyas orichens probablement cal mirar-las ya en o Paleolitico.