San Francisco
San Francisco [ˌsæn fɹənˈsɪskoʊ], offiziell City and County of San Francisco, isch e Stadt und e Metropolregioon im US-Bundesstaat Kalifornie an dr Westküste vo de Veräinigte Staate vo Amerika. Mit 805.235[1] Iiwohner isch si die viertgrössti Stadt vo Kalifornie. Im globaale Vergliich gältet si näben äänlig groosse Stedt wie etwa Frankfurt am Main oder Amsterdam als middelgroossi Wältstadt.
| San Francisco | |
|---|---|
| Spitzname: The City by the Bay, Frisco, San Fran | |
 San Francisco mit dr Golden Gate Bridge im Vordergrund | |
 Faane | |
| D Laag in Kalifornien | |
 | |
| Basisdate | |
| Gründig: | 29. Juni 1776 |
| Staat: | USA |
| Bundesstaat: | Kalifornien |
| County: |
San Francisco County |
| Koordinate: | 37° 47′ N, 122° 25′ W |
| Zitzone: | UTC-8 |
| Iiwohner: – Metropolregion: |
805.235 (Stand: 2010) 4.335.391 (Stand: 2010) |
| Bevölkerigsdichti: | 6.654,8 Iiwohner je km² |
| Flechi: | 600,7 km² (ca. 232 mi²) davon 121,0 km² (ca. 47 mi²) Land |
| Höchi: | 16 m |
| Poschtleitzahle: | 94101–94112, 94114–94147, 94150–94170, 94172, 94175, 94177 |
| Vorwahl: | +1 415 |
| FIPS: | |
| GNIS-ID: | 277593 |
| Website: | www.sfgov.org |
| Bürgermeister: | Ed Lee |
 Historischi Charte vo San Francisco, 1888 | |
Dr Naame vo dr Stadt chunnt us em Schbaanische. San Francisco isch noch em Häilige Franziskus, also em Franz vo Assisi, benennt. E Spitznaame für d Stadt, wo bi de Iiwooner lang verpöönt gsi isch aber in de letzte Joor immer mee akzeptiert wird, isch Frisco[2].
San Francisco lit in dr Nööchi vo dr San-Andreas-Verwärfig und s Risiko für Ärdbeebe isch hooch. Am 18. April 1906 isch s bis jetzt schwerste Ärdbeebe bassiert, won e Sterki vo 7,8 uf dr Richterskala ghaa het. Öbbe 3000 Mensche si im Beebe und in de Füür druf umchoo und drei Viertel vo San Francisco si zerstöört oder stark beschäädigt worde.
Zu de Seenswürdikäite ghööre s Fisherman’s Wharf-Kwardier mit sine Bäize, d Golden Gate Bridge, d Lombard Street, dr Wulkechratzer Transamerica Pyramid, s eltiste Bauwärk in dr Stadt, d Mission Dolores, s Gwärb- und Woongebiet Presidio, und Haight-Ashbury, wo in de 1960er Joor vo dr Hippiebeweegig in dr ganze Wält bekannt gmacht worden isch.
Weblingg
ändere- Offizielli Website vo dr Stadt San Francisco (änglisch)
- San Francisco History Index (änglisch)
- San Francisco Räisefüerer (dütsch)
- Virtuells Museum vo dr Stadt San Francisco (änglisch)
- Klickbare Stadtblaan us em Joor 1907 (änglisch)
- Virtuelli Tuur zum Ärdbeebe vo 1906 (änglisch)
- GEO-Reportasche über s Ärdbeebe vo 1906 als Audio
Fuessnoote
ändere- ↑ Statistike vo dr US-Censusbehörde Archivlink (Memento vom 3. Mai 2011 im Internet Archive)
- ↑ sfgate.com: Frisco als Spitzname