Alemannische Wikipedia

Michaela Müller (Filmmacheri)

D Michaela Müller (* 1972 z Sanggale) isch e Schwyzer Animazioonsfilmeri un Chinschtleri. Si läbt z Rüti, z Zagreb un z New York.[1][2]

Lääbe

ändere

D Müller het anne 1998 ein Diploom as Zaichne- un Wäärchleereri an dr Hoochschuel Lozärn (HSLU) gmacht. 2009 het si an dr Academy of Fine Arts z Zagreb e Master in Animazioon un Neii Meedie gmacht mit em Film «Miramare» as Absschlussaarbet.

Si kumbiniert Chunschtfoorme un Meedie mitenander, untersuecht d Zämmehäng zwische Moolerei, Performance, Sound un Film un realisiert animierti Chuurzfilm un Inschtallazioone in Film, Theater oder Oopere.[3] Mit Choreografy un Rhythmus forscht si an de Gränze vum Animazioonsfilm un thematisiert mediaal un visuäll transitoorischi Ryym, zem Byyschpel zwische Turischte, Immigrante, Passante un Passaschier.[4]

E Zytlang het si d Props fir s Lozärner Theater gmacht un Animazioone fir New Belgrade Opera.[5][6] Anne 2012 het d Michaela Müller zäme mit dr Dänzeri Zrinka Šimičić Mihanović un em Sound Artist Fa Ventilato di multimediaal Performance «Trag/Trace/Spur»[7] am Museum fir zytgnessischi Chunscht z Zagreb ins Lääbe gruefe.[8]

Bi iren Animazioonsfilm moolt si dr ganz Film Bild fir Bild uf e belyychteti Glaasblatte, nimmt e jeedes Ainzelbild digitaal uf un animiert nocherdani wider. Dr Animazioonsfilm «Miramare», wu si iiber fimdöusert Bilder derfiir in dääre Tächnik animiert het, isch an de Internazionaale Filmfeschtspiil vu Cannes 2010 zum eerschte Mool ziagt woore.[9] Me het där Film an iiber100 Feschtiwäl chenne sää, är het aachtzee Uuszaichnige gwunne. Doodrunter dr Grand Prix of Animateka International vum Animation Festival Ljubljana, d Golden Centaur for Best Debut Film am Message to Man Film Festival z St. Petersburg un dr Schwyzer Filmbryys Quartz.[10]

Ire zweet, zeeminitig Animazioonsfilm «Airport» het sy Schwyzer Premiere am Locarno Festival gfyyrt. Är isch unter anderem am Toronto International Film Festival[11], em Festival d’Animation Annecy, bi de Soledurner Filmdääg un bi Fantoche[12] z Bade glofe. Dr Film het unter anderem Uuszaichnige am Chicago International Film Festival 2017, dr Schwyzer Filmbryys fir Beschti Animazioon 2018 un dr Bryys fir Best Sound am Ottawa International Animation Festival.[13] iiberchuu.

Filmografy

ändere
  • 2009: Miramare (Diräkteri, Animazioon)
  • 2017: Airport (Diräkteri, Autoori, Cinematografy, Figuure, Animazioon)
  • 2020: Real Human Being (zäme mit dr Anna Samo, Diräkteri, Autoori, Animazioon)
  • 2025: The Woman you Look (zäme mit dr Darcy Alexandra, Diräkteri, Autoori, Animazioon)
ändere

Fueßnote

ändere
  1. ↑ Glasmalerei als Film | Michaela Müller | Portrait. Abgruefen am 2. September 2020.
  2. ↑ Andreas Stock Locarno: FILMFESTIVAL: Ein Flughafen-Konzentrat. Abgruefen am 2. September 2020.
  3. ↑ Heinz Beer Sagt: Kurzfilm mit langem Schnauf – Saiten – Ostschweizer Kulturmagazin und Veranstaltungskalender. Abgruefen am 2. September 2020 (de-DE).
  4. ↑ Michaela Mueller. In: Location One. Abgruefen am 2. September 2020.
  5. ↑ Michaela Müller | TRICKY WOMEN/TRICKY REALITIES. Abgruefen am 2. September 2020.
  6. ↑ ORLANDO | Opera & Theatre Madlenianum. Abgruefen am 27. Oktober 2020.
  7. ↑ kleio – the living catalog. Abgruefen am 2. September 2020.
  8. ↑ About. Abgruefen am 2. September 2020.
  9. ↑ Manor: Künstlerin kreiert Kurzfilm für Locarno. Abgruefen am 2. September 2020 (änglisch).
  10. ↑ Michaela Müller. Abgruefen am 2. September 2020.
  11. ↑ SWISS FILMS: News. Abgruefen am 27. Oktober 2020.
  12. ↑ Melissa Müller: ANIMATIONSFILM: «Wir Trickfilmer sind Nerds». Abgruefen am 2. September 2020.
  13. ↑ SWISS FILMS: Airport. Abgruefen am 27. Oktober 2020.
  Dä Artikel basiert uff ere fräie Übersetzig vu dere Version vum Artikel „Michaela_Müller_(Filmemacherin)“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Michaela_Müller_(Filmemacherin)&oldid=1065944"