Blaufelche
Blaufelche | ||||||||||
---|---|---|---|---|---|---|---|---|---|---|
Systematik | ||||||||||
| ||||||||||
Wüsseschaftlige Name | ||||||||||
Coregonus wartmanni | ||||||||||
Bloch, 1784 |
De Blaufelche (Coregonus wartmanni; alemanischi Näme) isch e Süesswasserfisch und ghört wie de Sandfelche, de Gangfisch und de Chilch zo de endemische Felchenarte im Bodesee.
Uussie
ändereDe Blaufelche isch e silbrige längliche Fisch, wo 45–50 cm lang werd und guet e Pfund wögt. Siin Buuch isch wiisslich und de Rugge blaugrüe oder hellblau. Er het chliini Auge und e chliis Muul.
Verbraitig
ändereDe Blaufelche isch en endemischi Art, wo nume im Bodesee haimisch isch. Er ghört zo de Schwebfelche, wo im offne Wasser lebet und bis 40 Meter tüüf abetaucht.
Lebeswiis
ändereDe Blaufelche lebt vro alem vo Plankton und Insekte, grösseri Tier essed au Laich, Würmer und Schnegge und alti grossi Blaufelche jaget im Summer gär chliini jungi Egli.
D Laichzitt goot vo end November bis mitti Dezember, wenn d Wassertemperatur under 7 Grad ghait. D Wiibli leget 10000 bis 50000 Aier, wo vo de Mandli brifuchtet wered und denn uf de Bode sinket, je noch Stell nu wenigi Meeter, aber au bis i grossi Tüffene abe. D Laarfe schlüüffet im Märze und stiged denn a d Oberflächi. Blaufelche wered noch zwai Joor gschlechtsriiff.
Büecher
ändere- Maurice Kottelat: European Freshwater Fishes; Cornol 2007. ISBN 978-2-8399-0298-4