Wasili Zaitsef

Wasili Grigorjewitsj Zaitsef (Russies: Васи́лий Григо́рьевич За́йцев, IPA: [vɐˈsʲilʲɪj ɡrʲɪˈɡorʲjɪvʲɪtɕ ˈzajtsɨf]; 23 Maart 1915 - 15 Desember 1991) was ’n Sowjet-sluipskutter tydens die Tweede Wêreldoorlog. Voor 10 November 1942 het hy 32 Duitse soldate met ’n standaardweermaggeweer doodgeskiet. Tussen 10 November 1942 en 17 Desember 1942, tydens die Slag van Stalingrad, het hy 225 vyandelike soldate, waaronder 11 sluipskutters, doodgeskiet.

Zaitsef het tydens die oorlog 'n heldfiguur geword en later 'n held van die Sowjetunie, en hy word steeds geprys vir sy vaardighede as 'n sluipskutter. Sy lewe en militêre loopbaan was die onderwerp van verskeie boeke en rolprente: Sy ervarings, soos uitgebeeld word in William Craig se boek Enemy at the Gates: The Battle for Stalingrad van 1973, het die basis gevorm vir die 2001-rolprent Enemy at the Gates, met Jude Law wat die rol van Zaitsef vertolk. Hy kom ook voor in David L. Robbins se historiese roman War of the Rats van 1991.