VfB Marburg

VfB Marburg

Volledige naam	Verein für Bewegungsspiele 1905 Marburg e. V.
Stigtingsdatum	13 Mei 1905
Tuisveld	Stadion an der Gisselberger Straße, Marburg Georg Gaßmann-stadion, Marburg
Kapasiteit	4 000 12 000
Kompetisie	Oberliga Hesse

VfB Marburg is 'n sokkerklub uit Marburg in die deelstaat Hesse in Duitsland.

Die klub is op 13 Mei 1905 gestig as Marburger Fußball-Klub 1905 in die restaurant Bopps Terrassen in Marburg. In 1908 het die klub ander sportsoorte begin aanbied en sy naam verander na Verein für Bewegungsspiele 1905 Marburg. Die Eerste Wêreldoorlog het die klub swaar getref met 41 lede wat in veldslae omgekom het en die klub moes sy bedrywighede staak. Die klub is egter op 1 Februarie 1919 herstig. Op 30 Augustus 1925 het die klub met SV Kurhessen saamgesmelt om Sportvereinigung VfB 05-Kurhessen te vorm.

In 1937 word die klub deur die Nazi‘s gedwing om met Marburger Turnverein saam te smelt om VfL Marburg te vorm. Op 9 April 1992 word die sokkerafdeling onafhanklik onder die huidige naam, dieselfde naam waaronder die klub bekend geword het tussen 1908 en 1925.

Die klub het tussen 1933 en 1944 ses seisoene in die Gauliga deurgebring op die hoogste vlak van die Duitse sokkerstruktuur en die klub se beste prestasie is in 1943 behaal toe daar tweede geëindig is.

Die klub speel die meeste van sy ligawedstryde op die Stadion an der Gisselberger Straße, wat aan die klub behoort, maar groot wedstryde word op die Georg Gaßmann-stadion (wat aan die stad behoort) gespeel.