John Montagu

Montagu is in 1797 gebore in Lackham, Chippenham, Wiltshire, die tweede seun van Luitenant-kolonel Edward Montagu en sy vrou Barbara, née Fleetwood,^[1] en het op 17-jarige ouderdom by die leër aangesluit en in die Slag van Waterloo geveg.

Hy het in 1843 die Koloniale Sekretaris van die Kaapkolonie geword.^[1] Een van sy eerste suksesse was die herorganisasie van die kolonie se geldsake en die vereffening daarvan se openbare skuld, gevolg deur hervormings in die bandietarbeidstelsel. Ander van sy suksesse was in die voorsiening van gesondheidsdienste en hospitale en veral in die verbetering van paaie waarvan die kolonie se vervoer hoofsaaklik afhanklik was.

Hy het ook bygedra tot die stigting van skole en die verbetering van administrasie in die howe. Tydens die Anti-Bandietbeweging van 1849 het hy heelwat vyandskap verduur, maar later gevind dat sy sienswyse inslag gevind het.

Hy is in 1852 oorlede. Die Montagupas en die dorp Montagu dra sy naam.

• Ensiklopedie van Suidelike Afrika, Eric Rosenthal, 1967.