Havana

Havana (Spaans: La Habana) is die hoofstad van Kuba. Die stad is op 25 Augustus 1515 deur die Spanjaarde onder Diego Velázquez de Cuéllar as Villa de San Cristóbal de La Habana gestig en op 16 November 1519 tot die huidige plek geskuif. Koning Filips II van Spanje het op 20 Desember 1592 stadstatus aan Havana verleen. Tydens die Spaanse koloniale bewind was Havana die belangrikste hawestad in die Amerikas.

Havana La Habana
Kaart	Wapen
	Vlag
Land	Kuba
Provinsie	La Habana
Koördinate	23°08′N 82°22′W / 23.133°N 82.367°W / 23.133; -82.367
Gestig op	16 November 1519
Stadstatus	20 Desember 1592
Oppervlakte:
- Totaal	728,6 vk km
Hoogte bo seevlak	5 m
Bevolking:
- Totaal (2011)	2 135 498
- Bevolkingsdigtheid	2 932,3/vk km
Tydsone	EST (UTC -5)
Burgemeester	Marta Hernández Romero

Met 'n bevolking van 2 135 498 is Havana die grootste stad van Kuba asook van Wes-Indië. Die stad is in die noordoostee van die eiland aan die kus van die Golf van Meksiko net 150 kilometer suid van Florida geleë. Die oustad La Habana Vieja en die Spaanse vesting is in 1982 deur UNESCO as 'n wêrelderfenisgebied gelys.