Goedverwacht
Goedverwacht is 'n nedersetting geleë in die Weskus Distriksmunisipaliteit van die Wes-Kaap provinsie van Suid Afrika. Die dorpie lê in die Rietkloof aan die westelike hang van die Piketberg en noordwes van die dorp Piketberg. Dit is 'n voormalige sendingstasie van die Morawiese Sendinggenootskap. Die aanvanklike naam De Goede Verwachting het deur die jare verlore geraak. Die nedersetting is 'n lintdorp langs 'n spruit.
Goedverwacht | |
|---|---|
  Goedverwacht Goedverwacht se ligging in Wes-Kaap | |
| Koördinate: 32°51′53″S 18°41′46″O / 32.86472°S 18.69611°O | |
| Land |  Suid-Afrika |
| Provinsie | Wes-Kaap |
| Distrik | Weskus |
| Munisipaliteit | Bergrivier |
| Oppervlak | |
| • Totaal | 2,98 km2 (1,15 vk. myl) |
| Bevolking (2011)[1] | |
| • Totaal | 1 979 |
| • Digtheid | 664/km2 (1 720/vk. myl) |
| Rasverdeling (2011) | |
| • Wit mense | 1.7% |
| • Indiërs/Asiërs | 0.3% |
| • Bruin mense | 94.4% |
| • Swart mense | 3.5% |
| • Ander | 0.1% |
| Taal (2011) | |
| • Afrikaans | 96.4% |
| • Gebaretaal | 1.5% |
| • Ander | 2.1% |
Geskiedenis
wysigIn 1838 het H.S. Burger die plaas Burgershoek aan ses van sy vrygestelde slawe nagelaat. Sendelinge het van Mamre gekom om in 1845 met sendingwerk hier te begin. Teen 1860 was daar maar ongeveer 200 inwoners. Toe die laaste erfgenaam in 1888 sterf, koop die Morawiërs die plaas en kon die amptelike stigting van die sendingstasie die volgende jaar plaasvind. Teen die tyd van die sensus van 1891 in die Kaapkolonie het die bevolking op 600 gestaan. Net na die jaar 2000 was daar nagenoeg 1 500 inwoners.
Goedverwacht se Snoek- en Patatfees word deur die Goedverwacht-Ontwikkelingsforum gedurende die eerste week van die Junie-skoolvakansie aangebied en is 'n hoogtepunt vir die plaaslike inwoners. Die fees word jaarliks deur duisende feesgangers besoek.
Sien ook
wysigVerwysings
wysig- ↑ 1,0 1,1 1,2 1,3 "Hoofplek Goedverwacht". Sensus 2011.